Click on a word to bring up parses, dictionary entries, and frequency statistics
haec de Pescennio Severus Augustus. De hoc 1 adhuc milite Marcus Antoninus ad Cornelium Balbum: ‘Pescennium mihi laudas, agnosco; nam et decessor tuus eum manu strenuum, vita 2 3 4 5 6 7 8 [2] gravem, et iam tum plus quam militem dixit, itaque misi litteras recitandas ad signa, quibus eum trecentis Armeniis et centum Sarmatis et mille nostris praeesse [3] iussi, tuum est ostendere hominem non ambitione, quod nostris non convenit moribus, sed virtute venisse ad eum locum quem avus meus Hadrianus, quem Traianus proavus non nisi exploratissimis dabat.’ [4] De hoc eodem Commodus: ‘Pescennium fortem virum novi et ei tribunatus iam duos dedi; ducatum mox dabo, ubi per senectutem Aelius Corduenus rem [5] publicam recusaverit .’ haec de eo iudicia omnium fuerunt, sed et Severus ipse saepe dixit ignoturum se Pescennio, nisi perseveraret. [6] A Commodo denique Pescennius consul declaratus Severo praepositus est, et quidem irato, quod primipilaribus commendantibus consulatum Niger mereretur. [7] in vita sua Severus dicit se, priusquam filii sui id aetatis haberent ut imperare possent, aegrotantem id in animo habuisse, ut, si quid forte sibi accidisset, Niger Pescennius eodem et Clodius Albinus succederent, qui ambo Severo gravissimi hostes exstiterunt. [8] unde apparet, quod etiam Severi de Pescennio iudicium
2 imperator iam P corr., Peter; imperatorium P 1.
3 possumus P.
4 uiuent P.
5 hoc uocant cum s. m. potarunt Editor; uocant cum hoc s. m. potare P; uocant illi hoc s. m. potare Peter.
6 uana P.
7 timuerit ... tenebis Petschenig, cf. Hohl, Klio, xiii., p. 143; timueris ... timebis P; non timueris t. timeberis Peter.
8 de hoc om. in P.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.