Click on a word to bring up parses, dictionary entries, and frequency statistics
[47]
Quod si1 tibi persuasum est—principio enim dixisti plus in dedecore mali2 tibi videri3 quam in dolore—, reliquum est, ut tute4 tibi imperes. quamquam
hoc nescio quo modo dicatur.5 quasi duo simus, ut alter
imperet, alter pareat! non inscite6 tamen dicitur. est
enim animus in partis7 tributus duas, quarum altera
rationis est particeps, altera expers. cum igitur praecipitur, ut nobismet ipsis imperemus, hoc praecipitur, ut ratio coërceat temeritatem. est in8 animis omnium fere natura molle quiddam, demissum,9 humile,
enervatum quodam modo et languidum. si nihil esset aliud,10 nihil esset homine deformius. sed praesto
est domina omnium et regina ratio, quae conixa11 per
se et progressa longius fit perfecta virtus. haec ut
imperet illi parti animi, quae oboedire12 debet, id videndum est viro. “quonam13 modo?” inquies.
1 sit Vvet
2 dedecore. ali G1
3 videre R1
4 utute G1R1V1 t post ut ss. G2RcV2 ut. tu. te (tute ci2) K
5 dicitur Ba. duossimus G1R1V1
6 insite G1
7 partes R2
8 est in in r. Vc
9 dimissum Vc?
10 si nihil esset aliud V (sed hil esset scr. Vc in r.) senile sed aliud GKR1 (senile; sed si aliud non esset2）
11 conixa ς conexa X (conn. G)
12 obedire GK1
13 quonam n in r. Vc
Tusculanae Disputationes. M. Tullius Cicero. M. Pohlenz. Leipzig. Teubner. 1918.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.