Click on a word to bring up parses, dictionary entries, and frequency statistics
[3]
accedunt etiam poëtae, qui cum magnam
speciem doctrinae sapientiaeque prae se tulerunt,
audiuntur leguntur ediscuntur et inhaerescunt penitus
in mentibus. cum vero eodem quasi maxumus quidam1
magister populus accessit2 atque omnis undique ad vitia
consentiens multitudo, tum plane inficimur opinionum
pravitate a naturaque desciscimus,3 ut nobis optime naturae vim vidisse4 videantur, qui nihil melius homini,
nihil magis expetendum, nihil praestantius honoribus,
imperiis, populari gloria iudicaverunt. ad5 quam fertur
optumus quisque veramque illam honestatem expetens,6
quam unam natura maxime anquirit,7 in summa inanitate versatur consectaturque nullam eminentem effigiem virtutis,8 sed adumbratam imaginem gloriae. est
enim gloria solida quaedam res et expressa, non adumbrata; ea est consentiens laus bonorum, incorrupta9 vox
bene iudicantium de excellenti10 virtute, ea virtuti resonat
[p. 318]
tamquam imago;11 quae quia recte factorum plerumque comes est, non est12 bonis viris repudianda.13
1 quidem K1R1H
2 accessit Vc (cf. rep. 4,9) om. X (accedit ante eodem add. multi ς）
3 dessciscimus KR1
4 naturae vim vidisse Mdv. ad fin. 3,62 naturam invidisse
5 ad at K
6 expetens V
7 unam ς una anquirit Mos. inquirit
8 virtutis del. Bentl. gloriae (ex gloria V2) del. Bai.
9 et ante incorrupta add. Vc
10 excellenti ex -te V1 excellente rell. (ft. recte cf. de orat. 2, 85 fr. ap. Char. GL. I p. 138, 13）
11 gloriae post imago add. X exp. V1
12 non est ea H est in r. Vc
13 repudienda in -anda corr. K1V1
Tusculanae Disputationes. M. Tullius Cicero. M. Pohlenz. Leipzig. Teubner. 1918.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.