previous next

Click on a word to bring up parses, dictionary entries, and frequency statistics


Ἀμφιτρύων

καλῶς: παρελθὼν νῦν πρόσειπέ θ᾽ ἑστίαν
600καὶ δὸς πατρῴοις δώμασιν σὸν ὄμμ᾽ ἰδεῖν.
ἥξει γὰρ αὐτὸς σὴν δάμαρτα καὶ τέκνα
ἕλξων φονεύσων κἄμ᾽ ἐπισφάξων ἄναξ:
μένοντι δ᾽ αὐτοῦ πάντα σοι γενήσεται
τῇ τ᾽ ἀσφαλείᾳ κερδανεῖς: πόλιν δὲ σὴν
605μὴ πρὶν ταράξῃς πρὶν τόδ᾽ εὖ θέσθαι, τέκνον.

Ἡρακλῆς

δράσω τάδ᾽: εὖ γὰρ εἶπας: εἶμ᾽ ἔσω δόμων.
χρόνῳ δ᾽ ἀνελθὼν ἐξ ἀνηλίων μυχῶν
Ἅιδου Κόρης τ᾽ ἔνερθεν, οὐκ ἀτιμάσω
θεοὺς προσειπεῖν πρῶτα τοὺς κατὰ στέγας.

Ἀμφιτρύων

610ἦλθες γὰρ ὄντως δώματ᾽ εἰς Ἅιδου, τέκνον;

Ἡρακλῆς

καὶ θῆρά γ᾽ ἐς φῶς τὸν τρίκρανον ἤγαγον.

Ἀμφιτρύων

μάχῃ κρατήσας θεᾶς δωρήμασιν;

Ἡρακλῆς

μάχῃ: τὰ μυστῶν δ᾽ ὄργι᾽ εὐτύχησ᾽ ἰδών.

Ἀμφιτρύων

καὶ κατ᾽ οἴκους ἐστὶν Εὐρυσθέως θήρ;

Ἡρακλῆς

615Χθονίας νιν ἄλσος Ἑρμιών τ᾽ ἔχει πόλις.

Ἀμφιτρύων

οὐδ᾽ οἶδεν Εὐρυσθεύς σε γῆς ἥκοντ᾽ ἄνω;

Ἡρακλῆς

οὐκ οἶδ᾽: ἵν᾽ ἐλθὼν τἀνθάδ᾽ εἰδείην πάρος.

Ἀμφιτρύων

χρόνον δὲ πῶς τοσοῦτον ἦσθ᾽ ὑπὸ χθονί;

Ἡρακλῆς

Θησέα κομίζων ἐχρόνισ᾽ ἐξ Ἅιδου, πάτερ.

Ἀμφιτρύων

620καὶ ποῦ 'στιν; γῆς πατρίδος οἴχεται πέδον;

Ἡρακλῆς

βέβηκ᾽ Ἀθήνας νέρθεν ἄσμενος φυγών.
ἀλλ᾽ εἶ᾽, ὁμαρτεῖτ᾽, τέκν᾽, ἐς δόμους πατρί:
καλλίονές τἄρ᾽ εἴσοδοι τῶν ἐξόδων
πάρεισιν ὑμῖν. ἀλλὰ θάρσος ἴσχετε
625καὶ νάματ᾽ ὄσσων μηκέτ᾽ ἐξανίετε:
σύ τ᾽, γύναι μοι, σύλλογον ψυχῆς λαβὲ
τρόμου τε παῦσαι, καὶ μέθεσθ᾽ ἐμῶν πέπλων:
οὐ γὰρ πτερωτὸς οὐδὲ φευξείω φίλους.
,
οἵδ᾽ οὐκ ἀφιᾶσ᾽, ἀλλ᾽ ἀνάπτονται πέπλων
630τοσῷδε μᾶλλον: ὧδ᾽ ἔβητ᾽ ἐπὶ ξυροῦ;
ἄξω λαβών γε τούσδ᾽ ἐφολκίδας χεροῖν,
ναῦς δ᾽ ὣς ἐφέλξω: καὶ γὰρ οὐκ ἀναίνομαι
θεράπευμα τέκνων. πάντα τἀνθρώπων ἴσα:
φιλοῦσι παῖδας οἵ τ᾽ ἀμείνονες βροτῶν
635οἵ τ᾽ οὐδὲν ὄντες: χρήμασιν δὲ διάφοροι:
ἔχουσιν, οἳ δ᾽ οὔ: πᾶν δὲ φιλότεκνον γένος.

Creative Commons License
This work is licensed under a Creative Commons Attribution-ShareAlike 3.0 United States License.

An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.

load Vocabulary Tool
hide Display Preferences
Greek Display:
Arabic Display:
View by Default:
Browse Bar: