[47]
verum illud est praeclarum.
Syracusani qui praefuerant his Heraclii bonis verbo redigendis,
re dispertiendis1, reddebant eorum negotiorum rationem
in senatu; dicebant scyphorum paria complura, hydrias
argenteas pretiosas2, vestem stragulam multam3, mancipia
pretiosa4 data esse Verri5; dicebant quantum cuique eius
iussu nummorum esset datum. gemebant Syracusani, sed
tamen patiebantur. repente recitatur uno nomine HS ccc6
iussu praetoris data esse7. fit maximus clamor omnium,
non modo optimi cuiusque neque eorum quibus indignum
semper visum erat bona privati8 populi nomine per summam
iniuriam erepta, verum etiam ipsi illi9 auctores iniuriae
et ex aliqua particula socii praedae ac rapinarum clamare
coeperunt sibi ut haberet hereditatem. tantus in curia
clamor factus est ut populus concurreret.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 dispertiendis O p rell.: dissipandis vulg.
2 pretiosas cO: pretiosam rell.
3 multam c: om. O
4 pretiosam vestem stragulam, multa mancipia vulg.
5 data esse Verri cO: Verri data esse p rell. (Ziel. p. 193)
6 ccc (§50 infra) cO: ccc quinquaginta milia vulg. (et falso `N'）
7 esse O: om. rell.
8 bona privati (privata k) codd.: privata bona O edd.: privati bona Klotz
9 illi ipsi O
M. Tullius Cicero. M. Tvlli Ciceronis Orationes: Divinatio in Q. Caecilivm. In C. Verrem Recognovit brevique adnotatione critica instruxit Gvlielmvs Peterson Rector Vniversitatis MacGillianae. William Peterson. Oxford. e Typographeo Clarendoniano. 1917. Scriptorum Classicorum Bibliotheca Oxoniensis.
The National Endowment for the Humanities provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.