Ingemuit Iuno tandemque silentia rumpit:
510'en labor, en odiis caput1 insuperabile nostris.
quam Nemeen tot fessa minis, quae †belua†2 Lernae
experiar? Phrygiis ultro concurrere monstris
nempe virum et †pulchro†3 reserantem Pergama ponto
vidimus. en ego nunc regum soror — et mihi gentis
515ullus honos? iam tum indecores4 iustaeque dolorum
[p. 73]
primitiae5 tenero superati protinus angues.
debueram nullos iuveni iam quaerere casus
victa nec ad tales forsan6 descendere pugnas.
verum animis insiste tuis actumque ........
520tende, pudor; mox et Furias Ditemque movebo.'78
haec ait et9 pariter laevi iuga pinea montis
respicit ac pulchro venantes agmine Nymphas,
undarum nemorumque decus. levis omnibus arcus
et manicae virides et stricta myrtus habena,10
525summo palla genu, tenui vagus innatat umbra11
crinis ad obscurae decurrens cingula mammae.
ipsa citatarum tellus pede plausa sororum
personat et teneris summittit gramina plantis.12
e quibus Herculeo Dryope percussa fragore,
530cum fugerent iam tela ferae, processerat ultra
turbatum visura nemus, fontemque petebat
rursus et attonitos referebat ab Hercule vultus.
hanc delapsa polo piceaeque adclinis opacae
Iuno vocat prensaque manu sic blanda13 profatur:
535'quem tibi coniugio tot dedignata dicavi
Nympha procos, en Haemonia14 puer adpulit alno,
clarus Hylas, saltusque tuos fontesque pererrat.
vidistis15 roseis haec per loca Bacchus habenis
cum domitas acies et Eoi fercula16 regni
540duceret ac rursus thiasos et sacra moventem.
hunc tibi vel posito venantem pectine Phoebum
[p. 74]
crede dari. quae spes Nymphis aufertur Achaeis,
praereptum quanto proles17 Boebeia questu
audiet et flavi quam tristis nata Lycormae.'
545sic ait et celerem frondosa per avia cervum
suscitat ac iuveni sublimem cornibus offert.
ille animos tardusque fugae longumque resistens
sollicitat suadetque pari contendere cursu.
credit Hylas praedaeque ferox ardore propinquae
550insequitur; simul Alcides hortatibus urget
prospiciens; iamque ex oculis aufertur uterque,
cum puerum instantem quadripes fessaque minantem
tela manu procul ad nitidi spiracula fontis
ducit et intactas levis ipse superfugit undas.
555hoc pueri spes lusa18 modo est, nec tendere certat
amplius; utque artus et concita pectora sudor
diluerat, gratos avidus procumbit ad amnes.19
stagna vaga sic luce micant, ubi Cynthia caelo
prospicit aut medii transit rota candida Phoebi:
560tale iubar diffundit aquis; nil umbra comaeque
turbavitque sonus surgentis ad oscula Nymphae.
illa avidas iniecta manus heu sera cientem
auxilia et magni referentem nomen amici
detrahit; adiutae prono nam pondere vires.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 caput XM, cupit V
2 belua V (interpolatum vid. ex Aen. VI 287), proelia Aid., flumina Burmann ex II 496, fort. semina, cf. 665
3 pulchro V, tuto Wagner | ponto V, coepto Burmann
4 indecores CT, codd. Burmanni et Harlesii, indecore V | iustaeque Heinsius, iussaeque V
5 Pritiae et V, Primitiae et SM, et del. Sudhaus, ut Heinsius, a Wagner
6 ad Bon.1, om. V | forsan X2M, forsas V
7 actumque movebo V (ex 520), actumque per omnem suppl. C, fort. actumque vel coeptumque tueri
8 Ditemque movebo X olim, M2C, ditem quomodo verbo V
9 et supr. vers. add. V1
10 habena T Bon.2, harena V, ad habena cf. Luc. VI 221, ad myrtus Aen. VII 817
11 umbra VC, optime ob obscurae (526), unda vulgo
12 plantis S, plactis V
13 blanda V, uoce C
14 haemenia V
15 Vidisti M | roseis SM, reseis V
16 fercula Pius, pr
needschecking ecula V, pocula C, fercula sunt ea quae in triumpho feruntur, cf. e. g. Sen. Herc. Oet. 110
17 proles M, prole V
18 pueri spes lusa V2R2, pueris perfusa V, pueri spes fusa C
19 amnes M, omnes V
C. Valerius Flaccus. Otto Kramer. C. Valeri Flacci Setini Balbi Argonauticon Libri Octo. Leipzig. Teubner. 1913.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.