previous next

Click on a word to bring up parses, dictionary entries, and frequency statistics

Φειδιππίδης

90λέγε δή, τί κελεύεις;

Στρεψιάδης
καί τι πείσει;

Φειδιππίδης
πείσομαι
νὴ τὸν Διόνυσον.

Στρεψιάδης
δεῦρό νυν ἀπόβλεπε.
ὁρᾷς τὸ θύριον τοῦτο καὶ τᾠκίδιον;

Φειδιππίδης

ὁρῶ. τί οὖν τοῦτ᾽ ἐστὶν ἐτεὸν πάτερ;

Στρεψιάδης

ψυχῶν σοφῶν τοῦτ᾽ ἐστὶ φροντιστήριον.
95ἐνταῦθ᾽ ἐνοικοῦσ᾽ ἄνδρες, οἳ τὸν οὐρανὸν
λέγοντες ἀναπείθουσιν ὡς ἔστιν πνιγεύς,
κἄστιν περὶ ἡμᾶς οὗτος, ἡμεῖς δ᾽ ἄνθρακες.
οὗτοι διδάσκουσ᾽, ἀργύριον ἤν τις διδῷ,
λέγοντα νικᾶν καὶ δίκαια κἄδικα.

Φειδιππίδης

100εἰσὶν δὲ τίνες;

Στρεψιάδης
οὐκ οἶδ᾽ ἀκριβῶς τοὔνομα:
μεριμνοφροντισταὶ καλοί τε κἀγαθοί.

Φειδιππίδης

αἰβοῖ πονηροί γ᾽, οἶδα. τοὺς ἀλαζόνας
τοὺς ὠχριῶντας τοὺς ἀνυποδήτους λέγεις,
ὧν κακοδαίμων Σωκράτης καὶ Χαιρεφῶν.

Στρεψιάδης

105 σιώπα: μηδὲν εἴπῃς νήπιον.
ἀλλ᾽ εἴ τι κήδει τῶν πατρῴων ἀλφίτων,
τούτων γενοῦ μοι σχασάμενος τὴν ἱππικήν.

Φειδιππίδης

οὐκ ἂν μὰ τὸν Διόνυσον, εἰ δοίης γέ μοι
τοὺς φασιανοὺς οὓς τρέφει Λεωγόρας.

Στρεψιάδης

110ἴθ᾽ ἀντιβολῶ σ᾽ φίλτατ᾽ ἀνθρώπων ἐμοὶ
ἐλθὼν διδάσκου.

Φειδιππίδης
καὶ τί σοι μαθήσομαι;

Στρεψιάδης

εἶναι παρ᾽ αὐτοῖς φασιν ἄμφω τὼ λόγω,
τὸν κρείττον᾽, ὅστις ἐστί, καὶ τὸν ἥττονα.
τούτοιν τὸν ἕτερον τοῖν λόγοιν, τὸν ἥττονα,
115νικᾶν λέγοντά φασι τἀδικώτερα.
ἢν οὖν μάθῃς μοι τὸν ἄδικον τοῦτον λόγον,
νῦν ὀφείλω διὰ σέ, τούτων τῶν χρεῶν
οὐκ ἂν ἀποδοίην οὐδ᾽ ἂν ὀβολὸν οὐδενί.

Φειδιππίδης

οὐκ ἂν πιθοίμην: οὐ γὰρ ἂν τλαίην ἰδεῖν
120τοὺς ἱππέας τὸ χρῶμα διακεκναισμένος.

Στρεψιάδης

οὐκ ἄρα μὰ τὴν Δήμητρα τῶν γ᾽ ἐμῶν ἔδει,
οὔτ᾽ αὐτὸς οὔθ᾽ ζύγιος οὔθ᾽ σαμφόρας:
ἀλλ᾽ ἐξελῶ σ᾽ ἐς κόρακας ἐκ τῆς οἰκίας.

Φειδιππίδης

ἀλλ᾽ οὐ περιόψεταί μ᾽ θεῖος Μεγακλέης
125ἄνιππον. ἀλλ᾽ εἴσειμι, σοῦ δ᾽ οὐ φροντιῶ.

Στρεψιάδης

ἀλλ᾽ οὐδ᾽ ἐγὼ μέντοι πεσών γε κείσομαι,
ἀλλ᾽ εὐξάμενος τοῖσιν θεοῖς διδάξομαι
αὐτὸς βαδίζων ἐς τὸ φροντιστήριον.
πῶς οὖν γέρων ὢν κἀπιλήσμων καὶ βραδὺς
130λόγων ἀκριβῶν σχινδαλάμους μαθήσομαι;
ἰτητέον. τί ταῦτ᾽ ἔχων στραγγεύομαι,
ἀλλ᾽ οὐχὶ κόπτω τὴν θύραν; παῖ παιδίον.

Creative Commons License
This work is licensed under a Creative Commons Attribution-ShareAlike 3.0 United States License.

An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.

hide References (2 total)
  • Cross-references to this page (1):
  • Cross-references in general dictionaries to this page (1):
load Vocabulary Tool
hide Display Preferences
Greek Display:
Arabic Display:
View by Default:
Browse Bar: