8.
[20]
quoniam de genere belli dixi, nunc de magnitudine
pauca dicam. potest enim hoc1 dici, belli genus esse ita
necessarium ut sit gerendum, non esse ita magnum ut sit
pertimescendum. in quo maxime laborandum est ne forte
ea2 vobis quae diligentissime providenda sunt contemnenda
esse videantur. atque ut omnes intellegant me L. Lucullo
tantum impertire laudis quantum forti viro et sapienti3 homini
et magno imperatori debeatur, dico eius adventu maximas
Mithridati4 copias omnibus rebus ornatas atque instructas
fuisse, urbemque Asiae clarissimam nobisque amicissimam
Cyzicenorum oppressam5 esse ab ipso rege maxima multitudine
et oppugnatam vehementissime; quam L. Lucullus
virtute, adsiduitate, consilio summis obsidionis periculis
liberavit.
[21]
ab eodem imperatore classem magnam et ornatam
quae ducibus Sertorianis ad Italiam studio atque odio6
inflammata7 raperetur superatam esse atque depressam;
magnas hostium praeterea copias multis proeliis esse deletas
patefactumque nostris legionibus esse Pontum qui antea8
populo Romano ex omni aditu clausus fuisset; Sinopen
atque Amisum, quibus in oppidis erant domicilia regis omnibus
rebus ornata ac referta9, ceterasque urbis Ponti et Cappadociae
permultas uno aditu adventuque esse captas10;
regem spoliatum regno patrio atque avito ad alios se reges
atque ad alias gentis supplicem contulisse; atque haec
omnia salvis populi Romani sociis atque integris vectigalibus
esse gesta. satis opinor hoc esse11 laudis atque ita,
Quirites, ut hoc vos intellegatis12, a nullo istorum qui huic
obtrectant legi atque causae L. Lucullum similiter ex hoc
loco esse laudatum.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 enim hoc hoc enim E: autem hoc t
2 ea H, Buttmann: a cett.
3 sapienti HEt: sapientissimo cett.
4 Mithridati Wt: Mithridatis cett. (cf. §23)
5 oppressam H: obsessam cett.
6 atque odio H: om. cett.
8 antea Et: ante cett.
9 ornata ac (atque b) referta Hb: ornatas ac (atque σψ) refertas cett.
11 haec esse E ita] ita reputo b2ψ
12 ut... intellegatis fort. ex §20 repetitum
M. Tullius Cicero. M. Tulli Ciceronis Orationes: Recognovit brevique adnotatione critica instruxit Albertus Curtis Clark Collegii Reginae Socius. Albert Curtis Clark. Oxonii. e Typographeo Clarendoniano. 1908. Scriptorum Classicorum Bibliotheca Oxoniensis.
The National Endowment for the Humanities provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.