[111]
itaque cum abs te1 caput
illud2 tam multis verbis mercennarioque prooemio esset
ornatum, ecquis inventus est3 postea praetor qui idem illud
ediceret? non modo nemo edixit, sed ne metuit quidem
quisquam ne quis ediceret. nam post te praetorem multi
in isdem causis fuerunt4; in his5 nuper Annaea de multorum
propinquorum sententia, pecuniosa mulier, quod censa non
erat, testamento fecit heredem filiam. iam hoc6 magnum
iudicium hominum de istius singulari7 improbitate, quod
C. Verres8 sua sponte instituisset, id neminem metuisse ne
quis reperiretur qui istius institutum9 sequi vellet; solus
enim tu inventus es cui satis non10 fuerit corrigere testamenta
vivorum, nisi etiam rescinderes mortuorum.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 abs te edd. (aps te V): a te SDp rell.
2 caput id V (v, §105)
3 inventus est V: est inventus SDp rell.
4 multi in isdem causam sis (causis?) fuerunt V (v, §§53, 111): multi testamenta eodem modo fecerunt SDp rell.; Cl. Rev. xvii. 202
5 in is p
6 Itaque hoc b
7 Desinit in verbis istius singu- S plena pagina, quem sequuntur DG2LKs et al.: istius Z
8 C. π Prisc.: om. Vbδ (Div. §22)
9 istius institutum secl. Ernesti
M. Tullius Cicero. M. Tvlli Ciceronis Orationes: Divinatio in Q. Caecilivm. In C. Verrem Recognovit brevique adnotatione critica instruxit Gvlielmvs Peterson Rector Vniversitatis MacGillianae. William Peterson. Oxford. e Typographeo Clarendoniano. 1917. Scriptorum Classicorum Bibliotheca Oxoniensis.
The National Endowment for the Humanities provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.