[26]
itinerum primum laborem, qui vel maximus est in re
militari, iudices, et in Sicilia maxime necessarius, accipite
quam facilem sibi iste et iucundum ratione consilioque
reddiderit. primum temporibus hibernis ad magnitudinem
frigorum et tempestatum1 vim ac fluminum praeclarum hoc
sibi remedium compararat2. Vrbem Syracusas elegerat,
cuius hic situs atque haec natura esse loci caelique dicitur
ut nullus umquam dies tam magna ac turbulenta tempestate
fuerit quin aliquo tempore eius diei solem homines viderint3.
hic ita vivebat iste bonus imperator hibernis mensibus ut
eum non facile non modo extra tectum, sed ne extra lectum
quidem quisquam viderit4; ita diei brevitas conviviis, noctis
longitudo stupris et flagitiis continebatur5.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.