[13]
Cum esset haec auctio hereditaria constituta, Aebutius
iste, qui iam diu Caesenniae viduitate ac solitudine aleretur
ac se in eius familiaritatem insinuasset, hac ratione ut cum
aliquo suo compendio negotia mulieris, si qua acciderent,
controversiasque susciperet, versabatur eo quoque tempore
in his rationibus auctionis et partitionis atque etiam se ipse
inferebat et intro dabat et in eam opinionem Caesenniam
adducebat ut mulier imperita nihil putaret agi callide posse,
ubi non adesset Aebutius.
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.