previous next

Click on a word to bring up parses, dictionary entries, and frequency statistics


Toxilvs

Paratum iam esse dicito, unde argentum sit futurum,

iubeto habere animum bonum, dic me illam amare multum;

ubi se adiuvat, ibi me adiuvat. quae dixi ut nuntiares,

satin ea tenes?

Sophoclidisca
Magis cálleo quam aprugnum callum callet.—

Tox.

5Propera, abi domum. ...

Sag.
Nunc ego huic graphice facetus fiam.

subnixis alis me inferam atque amicibor gloriose.

Tox.

Sed quís hic ansatus ambulat?

Sag.
Magnifice conscreabor.

Tox.

Sagaristio hic quidemst. quíd agitur, Sagaristio? ut valetur?

ecquid, quod mandavi tibi, †estne in te speculae?

Sag.
Adito.

10videbitur. factum volo. venito. promoneto.

Tox.

Quid hoc híc in collo tibi tumet?

Sag.
Vomicast, pressare parce;

nam ubi quí mala tangit manu, dolores cooriuntur.

Tox.

Quando istaec innatast tibi?

Sag.
Hodie.

Tox.
Secari iubeas.

Sag.

Metuo, ne immaturam secem, ne exhibeat plus negoti.

Tox.

15Inspicere morbum tuom lubet.

Sag.
Ah ah, abi atque cave sis

a cornu.

Tox.
Quid iam?

Sag.
Quia boves bini hic sunt in crumina.

Tox.

Emitte sodes, ne enices fame; sine ire pastum.

Sag.

Enim métuo, ut possim reicere in bubile, ne vagentur.

Tox.

Ego reiciam. habe animum bonum.

Sag.
Credetur, commodabo.

20sequere hac sis. argentum hic inest, quod mecum dudum orasti.

Tox.

Quid ais?

Sag.
Dominus me bovis mercatum Eretriam misit.

nunc mi Eretria erit haec tua domus.

Tox.
Nimis facete loquere.

atque ego omne argentúm tibi hoc actutum incolume redigam;

nam iam omnes sycophantias instruxi et comparavi,

25quo pacto ab lenone auferam hoc argentum,

Sag.
Tanto melior.

Tox.

Et mulier ut sit libera atque ipse ultro det argentum.

sed sequere me: ad eam rem usus est tua mihi opera.—

Sa.
Vtere ut vis.—

Creative Commons License
This work is licensed under a Creative Commons Attribution-ShareAlike 3.0 United States License.

An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.

load focus English (Henry Thomas Riley, 1912)
hide References (42 total)
load Vocabulary Tool
hide Display Preferences
Greek Display:
Arabic Display:
View by Default:
Browse Bar: