Click on a word to bring up parses, dictionary entries, and frequency statistics
11.
Vbi haec atque talia dissertavere, incipit orationem
Caesar de fastigio Romano Parthorumque obsequiis, seque
divo Augusto adaequabat, petitum ab eo regem referens,
omissa Tiberii memoria, quamquam is quoque miserat.
addidit praecepta (etenim aderat Meherdates), ut non dominationem et servos, sed rectorem et civis cogitaret, clementiamque ac iustitiam, quanto ignota barbaris, tanto laetiora
capesseret. hinc versus ad legatos extollit laudibus alumnum
urbis, spectatae ad id modestiae: ac tamen ferenda regum
ingenia neque usui crebras mutationes. rem Romanam huc
satietate gloriae provectam ut externis quoque gentibus
quietem velit. datum posthac C. Cassio, qui Syriae praeerat,
deducere iuvenem ripam ad Euphratis.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.