This text is part of:
Click on a word to bring up parses, dictionary entries, and frequency statistics
19. quam1 ubi ab re tanto impetu acta sollicitudinem curamque hominum animadvertit, advocata
contione ita de aetate sua imperioque mandato et
bello quod gerundum esset magno elatoque animo
disseruit,
[2]
ut ardorem eum qui resederat excitaret
rursus novaretque et2 impleret homines certioris spei quam quantam fides promissi humani aut ratio ex fiducia rerum subicere solet.
[3]
fuit enim Scipio
non veris tantum virtutibus mirabilis, sed arte
quoque quadam ab iuventa in ostentationem earum
[4?]
compositus, pleraque apud multitudinem aut ut3 per nocturnas visa4 species aut velut divinitus mente monita agens, sive et ipse capti quadam superstitione animi, sive ut imperia consiliaque velut sorte oraculi missa sine cunctatione exsequerentur.
[5]
ad hoc iam
inde ab initio praeparans animos, ex quo togam
virilem sumpsit, nullo die prius ullam publicam
privatamque rem egit quam in Capitolium iret
ingressusque aedem consideret et plerumque solus
in secreto ibi tempus tereret.
[6]
hic mos, quem5 per omnem vitam servabat,6 seu consulto seu temere volgatae opinioni fidem apud quosdam fecit stirpis eum divinae virum esse,
[7]
rettulitque famam in Alexandro Magno prius volgatam, et vanitate et [p. 74]
fabula parem, anguis immanis concubitu conceptum,7 et in cubiculo matris eius visam persaepe prodigii eius speciem interventuque hominum evolutam repente atque ex oculis elapsam.
[8]
his miraculis numquam ab ipso elusa fides est; quin potius aucta arte quadam nec abnuendi tale quicquam nec palam adfirmandi.
[9]
multa alia eiusdem generis, alia vera, alia adsimulata, admirationis humanae in eo iuvene excesserant modum; quibus freta tunc civitas aetati
haudquaquam maturae tantam rerum molem tantumque imperium permisit.
[10]
ad eas copias quas ex vetere exercitu Hispania
habebat quaeque a Puteolis cum C. Nerone traiectae
erant,decem milia militum et mille8 equites adduntur;
et M. Iunius Silanus propraetor adiutor ad res
gerendas datus est.
[11]
ita cum triginta navium
classe—omnes autem quinqueremes erant—ostiis9 Tiberinis profectus praeter oram Tusci maris, Alpesque . . . et10 Gallicum sinum et deinde Pyrenaei circumvectus promunturium, Emporiis, urbe Graeca
—oriundi et ipsi a Phocaea sunt—copias exposuit.
[12]
inde sequi navibus iussis Tarraconem pedibus
profectus conventum omnium sociorum—etenim
legationes ad famam eius ex omni se provincia
effuderant—habuit.
[13]
naves ibi subduci iussit, remissis quattuor triremibus Massiliensium quae
[p. 76]
officii causa ab domo prosecutae fuerant.
[14]
responsa11 inde legationibus suspensis varietate tot casuum dare coepit, ita elato ab ingenti virtutum suarum fiducia animo ut nullum ferox verbum excideret, ingensque omnibus quae diceret cum maiestas
inesset tum fides.
1 Quam M?AY Aldus: qua vi PC?R1: qua. pxCxRM: quod AJKz.
2 et AJK Aldus: om. P(3).
3 ut Duker, Weissenborn: om. P(1)JK.
4 visa P(1)JK Eds., Conway: visas Fabri, Weissenborn, Luchs, Riemann.
5 quem Weissenborn: qui Aldus: om. P(1)JK, Conway.
6 servabat PCR: servabatur MBDAJKz Aldus: servatus C2x Gronovius, Conway.
7 A.U.C. 543
8 mille asJK Aldus: om. P(3), space being left in P for numeral (∞).
9 ostiis PRM: hostiis CBDAJK: ab ostiis wesenberg.
10 -que et A3JK: neque P(3): -que CxM.l?: atque Aldus. here a gap in the text is suspected (Crévier) on account of et ipsi § 11 and triremibus Massiliensium § 13.
11 A.U.C. 543
Livy. Books XXVI-XXVII With An English Translation. Cambridge. Cambridge, Mass., Harvard University Press; London, William Heinemann, Ltd. 1943: no copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.
