Click on a word to bring up parses, dictionary entries, and frequency statistics
46. ab terra ingens labor succedentibus erat;1 nec altitudine tantum moenium impediebantur, sed
quod defensores adgredientis2 ad ancipites utrimque ictus subiectos habebant Romanos, ut latera infestiora
subeuntibus quam adversa corpora essent.
[2]
at
parte in3 alia quingentis et per stagnum facilis transitus et in murum ascensus inde fuit; nam neque opere emunitus erat, ut ubi ipsius loci ac stagni praesidio satis creditum foret, nec ulla armatorum statio
aut custodia opposita, intentis omnibus ad opem eo4 ferendam unde periculum ostendebatur.
[3]
ubi urbem sine certamine intravere, pergunt inde
quanto maximo cursu poterant ad eam portam circa
quam omne contractum certamen erat.
[4]
in quod
adeo intenti omnium non animi solum fuere, sed etiam
oculi auresque pugnantium spectantiumque et5 adhortantium pugnantis,
[5?]
ut nemo ante ab tergo
senserit6 captam urbem quam tela in aversos inciderunt et7 utrimque ancipitem hostem habebant.
[6]
tunc turbatis defensoribus metu et moenia capta, et porta intus forisque pariter refringi coepta; et mox caedendo confectis ac distractis, ne iter inpediretur, foribus armati impetum fecerunt.
[7]
magna
multitudo et muros transcendebat, sed ii passim ad
caedem oppidanorum versi; illa quae portam ingressa erat iusta acies cum ducibus, cum ordinibus
[p. 178]
media urbe usque8 in forum processit.
[8]
inde cum9 duobus itineribus fugientis videret hostis, alios ad tumulum in orientem versum, qui tenebatur quingentorum militum praesidio, alios in arcem, in quam et ipse Mago cum omnibus fere armatis qui muris pulsi fuerant refugerat, partim10 copiarum ad tumulum expugnandum mittit, partim11 ipse ad arcem ducit.
[9]
et tumulus primo impetu est captus, et Mago arcem conatus defendere, cum omnia hostium plena videret neque spem ullam esse, se arcemque et praesidium dedidit.
[10]
quoad dedita arx est, caedes tota urbe passim factae, nec ulli puberum qui obvius fuit parcebatur; tum signo dato caedibus finis factus; ad praedam victores versi, quae ingens
omnis generis fuit.
1 A.U.C. 544
2 defensores adgredientis conj. Conway: euntes (or -is) P(1) JK Aldus, Froben: coeuntis N: many conjectures.
3 in, suspected by Weissenborn, Conway; defended by Friedersdorff
4 eo Sp?N3 Froben 2: of- P(3): om. MBANJK Aldus.
5 et A3JK Aldus, Froben: om. P(1)N.
6 senserit Sp? Froben 2: sentiret P(3)ANJK Aldus, with different order.
7 et Sp Froben 2: om. P(1)NJK Aldus.
8 usque N3: om. P(1)NJK Aldus, Froben.
9 A.U.C. 544
10 partim P(3)N: partem C4M2AxJK Aldus, Froben.
11 partim P(1): partem C4A3 Aldus: om. SpJK Froben 2.
Livy. Books XXVI-XXVII With An English Translation. Cambridge. Cambridge, Mass., Harvard University Press; London, William Heinemann, Ltd. 1943: no copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.