Click on a word to bring up parses, dictionary entries, and frequency statistics
51. Scipio retentum secum Laelium, dum captivos
obsidesque et praedam ex consilio eius disponeret,
satis1 omnibus compositis,
[2?]
data quinqueremi et2 captivis cum3 Magone et quindecim fere senatoribus qui simul cum eo capti erant in navem4 inpositis nuntium victoriae Romam mittit.
[3]
ipse paucos dies quibus morari Carthagine statuerat exercendis navalibus pedestribusque copiis absumpsit.
[4]
primo
die legiones in armis quattuor milium spatio decurrerunt; secundo die arma curare et tergere ante
tentoria iussi; tertio die rudibus5 inter se in modum iustae pugnae concurrerunt praepilatisque missilibus iaculati sunt; quarto die quies data; quinto iterum in armis decursum est.
[5]
hunc ordinem laboris quietisque, quoad Carthagine morati sunt, servarunt.
[6]
remigium classicique milites tranquillo in altum
evecti, agilitatem navium simulacris navalis pugnae
experiebantur.
[7]
haec extra urbem terra marique
corpora simul animosque ad bellum acuebant; urbs
ipsa strepebat apparatu belli fabris omnium generum
[p. 196]
in publicam officinam6 inclusis.
[8]
dux cuncta pari7 cura obibat: nunc in classe ac navali erat, nunc cum legionibus decurrebat,8 nunc operibus aspiciendis tempus dabat, quaeque in officinis quaeque in armamentario ac navalibus fabrorum multitudo plurima in singulos dies certamine ingenti faciebat.
[9]
his ita incohatis refectisque quae quassata erant muri,9 dispositisque praesidiis ad custodiam urbis, Tarraconem est profectus, a multis legationibus protinus in via aditus,
[10?]
quas partim dato responso ex itinere dimisit, partim distulit Tarraconem, quo omnibus novis veteribusque sociis edixerat conventum. et cuncti fere qui cis Hiberum incolunt populi, multi etiam ulterioris provinciae convenerunt.
[11]
Carthaginiensium duces primo ex industria famam
captae Carthaginis conpresserunt; deinde, ut clarior
res erat quam ut tegi ac dissimulari posset, elevabant verbis:
[12]
necopinato adventu ac prope furto
unius diei urbem unam Hispaniae interceptam,
cuius10 rei tam parvae praemio elatum insolentem iuvenem inmodico gaudio speciem magnae victoriae
imposuisse;
[13]
at ubi adpropinquare tres duces, tres
victores hostium exercitus audisset, occursuram ei
extemplo domesticorum funerum memoriam.
[14]
haec
in volgus iactabant, haudquaquam ipsi ignari
quantum sibi ad omnia virium Carthagine amissa
decessisset.
1 satis P(3)NJK Aldus: rebus SpN3 Froben 2 (inserted after omnibus by Walters, who keeps satis).
2 et Johnson: e Madvig: om. P(1)Sp, etc.
3 cum SpN3 Froben 2: -que PC: atque Madvig: om. (1)NJK Aldus.
4 cum SpN3 Froben 2: -que PC: atque Madvig: om. (1)NJK Aldus.
5 rudibus P(1)N: sudibus M6JK Aldus, Froben.
6 -cam officinam Sp (omitting a line from -li fabris to in publi-) Walters: -ca officina P(1)NJK Aldus, Froben.
7 A.U.C. 544
8 nunc in classe . . . decurrebat SpN3 Froben 2: om. P(1)NJK Aldus (three lines lost).
9 quae quassata erant muri SpN3, Froben 2: qua quassaverant muris P: same omitting qua P1(3), but with quos CA3 Aldus: qua quassati erant, muris crévier.
10 cuius P(1)NJK Aldus, Froben: eius Sp.
Livy. Books XXVI-XXVII With An English Translation. Cambridge. Cambridge, Mass., Harvard University Press; London, William Heinemann, Ltd. 1943: no copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.