previous next

Click on a word to bring up parses, dictionary entries, and frequency statistics

17. aestatis eius principio qua haec agebantur, P. Scipio in Hispania cum hiemem totam reconciliandis barbarorum animis partim donis, partim remissione obsidum captivorumque absumpsisset, Edesco ad eum clarus inter duces Hispanos venit. erant coniunx liberique eius apud Romanos; [2] sed praeter eam causam etiam velut fortuita inclinatio animorum, quae Hispaniam omnem averterat ad Romanum a Punico imperio, traxit eum. [3] eadem causa Indibili Mandonioque fuit, haud dubie omnis Hispaniae principibus, cum omni popularium manu relicto Hasdrubale secedendi in imminentes castris eius tumulos, unde per continentia iuga tutus receptus ad Romanos esset. [4] Hasdrubal, cum hostium res tantis augescere incrementis cerneret, suas imminui, ac fore ut, nisi audendo aliquid moveret, qua coepissent fluerent,1 dimicare quam primum statuit. [5] Scipio avidior etiam certaminis erat, cum a2 spe quam successus rerum augebat, tum quod, priusquam iungerentur hostium exercitus, cum uno dimicare duce exercituque quam simul cum [p. 280] universis malebat. [6] ceterum, etiamsi cum pluribus3 pariter dimicandum foret, arte quadam copias auxerat. nam cum videret nullum esse navium usum, quia vacua omnis Hispaniae ora classibus Punicis erat,4 subductis navibus Tarracone navales socios terrestribus copiis addidit. [7] et armorum adfatim erat, et5 captorum Carthagine6 et quae post captam eam fecerat tanto opificum numero incluso.7

[8] cum iis copiis Scipio veris principio ab Tarracone egressusiam enim et Laelius redierat ab Roma, sine quo nihil maioris rei motum volebatducere ad hostem pergit. [9] per omnia pacata eunti, ut cuiusque populi fines transiret, prosequentibus excipientibusque sociis, Indibilis et Mandonius cum suis copiis occurrerunt. [10] Indibilis8 pro utroque locutus haudquaquam ut9 barbarus stolide incauteve, sed potius cum verecundia ac10 gravitate, propiorque excusanti transitionem ut necessariam quam glorianti eam velut primam occasionem raptam; [11] scire enim se transfugae nomen exsecrabile veteribus sociis, novis suspectum esse; neque eum se reprehendere morem11 hominum, si tamen12 anceps odium causa, non nomen faciat. [12] merita inde sua in duces [p. 282] Carthaginienses commemoravit, avaritiam contra eorum13 superbiamque et omnis generis iniurias in se atque populares. [13] Itaque corpus dumtaxat suum ad id tempus apud eos fuisse; animum iam pridem ibi esse ubi ius ac fas crederent coli. ad deos quoque confugere supplices qui nequeant hominum vim atque iniurias pati; [14] se id Scipionem orare, ut transitio sibi nec fraudi apud eum nec honori sit. quales ex hac14 die experiundo cognorit, perinde operae eorum pretium faceret.15

[15] ita prorsus respondet facturum Romanus, nec pro transfugis habiturum qui non duxerint societatem ratam ubi nec divini quicquam nec humani sanctum esset. [16] productae deinde in conspectum iis coniuges liberique lacrimantibus gaudio redduntur. [17] atque eo die in hospitium abducti; postero die foedere accepta fides, dimissique ad copias adducendas. isdem deinde castris tendebant, donec ducibus iis ad hostem perventum est.

1 fluerent P(1)(C?n Aldus: ruerent SpA3N3JK Froben 2, Conway.

2 a Sp? Froben 2: ea P(1)NJK Aldus.

3 A.U.C. 545

4 Punicis erat A3N3JK Aldus, Froben: om. P(1)N.

5 et Alschefski: om. all MSS.

6 captorum Carthagine A3N3JK Aldus, Froben: om. P(1)N, one line.

7 numero incluso A3N3JK Aldus, Froben: om. P(1)N, probably a short line at the end of a paragraph in P's exemplar.

8 et Mandonius . . . occurrerunt. Indibilis A3N3JK Aldus, Froben: om. P(1)N, probably three lines omitted on account of the repeated name.

9 ut Aldus, Froben: om. P(1)NJK.

10 ac Alschefski: et C1?: om. P(1)NJK.

11 morem Axz Rhenanus, Froben 2: amorem SpA3N3: nomen P(1)(A?n Aldus.

12 tamen Sp?N3 Froben 2, drakenborch, Eds.: tam P(1)NJK Aldus, Alschefski, Conway.

13 A.U.C. 545

14 hac P(1)n Aldus: ea SpA3N3JK Froben 2.

15 faceret P(1)n Aldus: faciat SpN3JK Froben 2.

Creative Commons License
This work is licensed under a Creative Commons Attribution-ShareAlike 3.0 United States License.

An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.

load focus Notes (W. Weissenborn, H. J. Müller, 1884)
load focus Summary (Latin, Frank Gardner Moore, Professor Emeritus in Columbia University, 1943)
load focus Summary (Latin, W. Weissenborn, H. J. Müller, 1884)
load focus Summary (English, Frank Gardner Moore, Professor Emeritus in Columbia University, 1943)
load focus Latin (W. Weissenborn, H. J. Müller, 1884)
load focus English (Cyrus Evans, 1850)
load focus Latin (Robert Seymour Conway, Stephen Keymer Johnson, 1935)
load focus English (Rev. Canon Roberts, 1912)
load focus English (Frank Gardner Moore, Professor Emeritus in Columbia University, 1943)
hide References (24 total)
  • Commentary references to this page (7):
    • Titus Livius (Livy), Ab urbe condita libri, erklärt von M. Weissenborn, books 31-32, commentary, 32.37
    • Titus Livius (Livy), Ab urbe condita libri, erklärt von M. Weissenborn, books 31-32, commentary, 32.6
    • Titus Livius (Livy), Ab urbe condita libri, erklärt von M. Weissenborn, books 33-34, commentary, 33.33
    • Titus Livius (Livy), Ab urbe condita libri, erklärt von M. Weissenborn, books 35-38, commentary, 35.27
    • Titus Livius (Livy), Ab urbe condita libri, erklärt von M. Weissenborn, books 35-38, commentary, 35.31
    • Titus Livius (Livy), Ab urbe condita libri, erklärt von M. Weissenborn, books 35-38, commentary, 37.53
    • Titus Livius (Livy), Ab urbe condita libri, erklärt von M. Weissenborn, books 43-44, commentary, 44.13
  • Cross-references to this page (8):
  • Cross-references in general dictionaries to this page (9):
load Vocabulary Tool
hide Display Preferences
Greek Display:
Arabic Display:
View by Default:
Browse Bar: