previous next

Click on a word to bring up parses, dictionary entries, and frequency statistics

31. adversus haec imperator Romanus in [p. 482] hanc fere sententiam respondit: "non me fallebat,1 Hannibal, adventus2 tui spe Carthaginienses et praesentem indutiarum fidem et spem pacis turbasse; [2] neque tu id sane dissimulas, qui de condicionibus superioribus3 pacis omnia subtrahas praeter ea quae iam pridem in nostra potestate sunt. [3] ceterum ut4 tibi curae est sentire cives tuos quanto per te onere leventur, sic mihi laborandum est ne5 quae tum6 pepigerunt hodie subtracta ex condicionibus pacis praemia perfidiae habeant. [4] indigni quibus eadem pateat condicio, etiam ut prosit vobis fraus petitis. neque patres nostri priores de Sicilia, neque nos de Hispania fecimus bellum; et tunc7 Mamertinorum sociorum periculum et nunc Sagunti excidium nobis pia ac iusta induerunt arma. [5] vos lacessisse et tu ipse fateris et dei testes sunt, qui et illius belli exitum secundum ius fasque dederunt et huius dant et dabunt.

[6] “quod ad me attinet, et humanae infirmitatis memini et vim Fortunae reputo et omnia quaecumque agimus subiecta esse mille casibus scio; [7] ceterum, quem ad modum superbe et violenter me faterer facere, si, priusquam in Africam traiecissem, te tua voluntate cedentem Italia et inposito in naves exercitu ipsum venientem ad pacem petendam aspernarer, [8?] sic nunc, cum prope manu conserta8 [p. 484] restitantem ac tergiversantem in Africam9 adtraxerim,10 nulla sum tibi verecundia obstrictus. [9] proinde si quid ad ea in quae tum pax conventura videbatur, quasi11 multa navium cum commeatu per indutias expugnatarum12 legatorumque violatorum, adicitur, est quod referam ad consilium; sin illa quoque gravia videntur, bellum parate, quoniam pacem pati non potuistis.”

[10] ita infecta pace ex conloquio ad suos cum se recepissent, frustra verba iactata13 renuntiant: armis decernendum esse habendamque eam fortunam quam dei dedissent.

1 A.U.C. 552

2 adventus A3N3VJK Aldus, Froben, Eds.: avere (habere CDAN) adventus CBDAN: ab adventus Alschefski: aura adventus conj. Madvig.

3 superioribus CBDAN Aldus, Froben, Eds.: superioris N3VJK (“perhaps correctConway).

4 ut CBDVJK: sicut AN Aldus, Froben.

5 ne Aldus, Froben: ne si CBDANVJK.

6 tum CBDAN: tunc N2 or N3VJK Aldus, Froben.

7 tunc N3VJK Froben 2: tum CBDAN Aldus.

8 conserta z: -tum (supine) CBDANVJK.

9 A.U.C. 552

10 adtraxerim (or at-) CBDAN Aldus, Froben: traduxerim N3VJK Froben 2.

11 quasi A5 conj. Gronovius, Eds.: quae si CBA?: que si A?N: quae sit Alschefski: que sunt A3VJK: si D.

12 expugnatarum BDAN Aldus, Froben, Eds.: -gnarum C: oppugnatarum (or ob-) A3VJK Riemann.

13 iactata Gronovius, many Eds.: temptata x Conway: praelata Alschefski: praecata (prec-) BD: p_cata CN?: pcata A: pacata A3N3VJK Aldus, Froben.

Creative Commons License
This work is licensed under a Creative Commons Attribution-ShareAlike 3.0 United States License.

An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.

load focus Summary (English, Frank Gardener Moore, Professor Emeritus in Columbia University, 1949)
load focus Summary (Latin, W. Weissenborn, H. J. Müller, 1884)
load focus Summary (Latin, Frank Gardener Moore, Professor Emeritus in Columbia University, 1949)
load focus English (Frank Gardener Moore, Professor Emeritus in Columbia University, 1949)
load focus English (Cyrus Evans, 1850)
load focus English (Rev. Canon Roberts, 1912)
load focus Latin (W. Weissenborn, H. J. Müller, 1884)
load focus Latin (Robert Seymour Conway, Stephen Keymer Johnson, 1935)
hide References (15 total)
  • Commentary references to this page (5):
    • Titus Livius (Livy), Ab urbe condita libri, erklärt von M. Weissenborn, books 33-34, commentary, 33.29
    • Titus Livius (Livy), Ab urbe condita libri, erklärt von M. Weissenborn, books 33-34, commentary, 34.12
    • Titus Livius (Livy), Ab urbe condita libri, erklärt von M. Weissenborn, books 35-38, commentary, 36.10
    • Titus Livius (Livy), Ab urbe condita libri, erklärt von M. Weissenborn, books 35-38, commentary, 37.45
    • Titus Livius (Livy), Ab urbe condita libri, erklärt von M. Weissenborn, books 41-42, commentary, 42.50
  • Cross-references to this page (4):
  • Cross-references in general dictionaries to this page (6):
load Vocabulary Tool
hide Display Preferences
Greek Display:
Arabic Display:
View by Default:
Browse Bar: