Click on a word to bring up parses, dictionary entries, and frequency statistics
4. cum legatis quos mitteret ad Syphacem calonum loco primos ordines spectatae virtutis atque
prudentiae servili habitu mittebat,
[2?]
qui, dum in conloquio legati essent, vagi per castra alius alia aditus
exitusque omnes, situm formamque et universorum
castrorum et partium, qua Poeni, qua Numidae haberent,1 quantum intervalli inter Hasdrubalis ac regia
castra esset,
[3?]
specularentur moremque simul noscerent
stationum vigiliarumque, nocte an interdiu opportuniores insidianti2 essent; et inter crebra conloquia alii atque alii de industria, quo pluribus omnia nota
essent, mittebantur.
[4]
cum saepius agitata res
certiorem spem pacis in dies et Syphaci et Carthaginiensibus per eum faceret, legati Romani vetitos
se reverti ad imperatorem aiunt, nisi certum
[p. 378]
responsum detur:
[5]
proinde, seu ipsi staret iam sententia,3 . . .4 seu consulendus Hasdrubal et Carthaginienses essent, consuleret; tempus esse aut pacem componi
aut bellum naviter geri.
[6]
dum consulitur Hasdrubal
ab Syphace, ab5 Hasdrubale Carthaginienses, et speculatores omnia visendi et Scipio ad conparanda ea6 quae in rem erant tempus habuit.
[7]
et ex mentione ac spe pacis neglegentia, ut fit, apud Poenos Numidamque7 orta cavendi ne quid hostile interim paterentur.
[8]
tandem relatum responsum, quibusdam, quia nimis cupere Romanus pacem videbatur, iniquis per occasionem adiectis, quae peropportune cupienti tollere indutias Scipioni causam praebuere.
[9]
ac nuntio regis, cum relaturum se ad consilium dixisset, postero die respondit se uno
frustra tendente nulli alii pacem placuisse; renuntiaret igitur nullam aliam spem pacis quam8 relictis Carthaginiensibus Syphaci cum Romanis esse.
[10]
ita tollit indutias, ut libera fide incepta exsequeretur; deductisque navibus—et iam veris principium erat— machinas tormentaque, velut a mari adgressurus Uticam,
[11?]
imponit, et duo milia militum ad capiendum quem antea tenuerat tumulum super Uticam mittit, [p. 380]
simul ut ab eo quod parabat in alterius rei curam9 converteret hostium animos,
[12?]
simul ne qua, cum ipse ad Syphacem Hasdrubalemque profectus esset, eruptio ex urbe et impetus in castra sua relicta cum levi praesidio fieret.
1 haberent P(1)NHVJK Eds.: tenderent Gronovius, H. J. Müller.
2 insidianti P(1)N(-ati D) most Eds., Conway: -antibus N3HVJK Aldus, Froben, Luchs.
3 A.U.C. 551
4 The lacuna may be filled by promeret sententiam (Johnson, prob. one line of P's archetype); by eam romeret, or promeret alone (Madvig); by pronuntiaret (Stöcker, 1833) or expromeret (Riemann), a verb being required to balance consuleret.
5 Hasdrubal ab (or a) Syphace, ab A3HVJK Eds.: om. P(1)N, a line.
6 ea om. SpHVJK Froben 2.
7 Numidamque PCM2: -umquae RMBD: -asque ANHVJK Aldus, Froben.
8 pacis quam A3N3HVJK: om. P(1)N.
9 A.U.C. 551
Livy. Books XXVIII-XXX With An English Translation. Cambridge. Cambridge, Mass., Harvard University Press; London, William Heinemann, Ltd. 1949: no copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.