Click on a word to bring up parses, dictionary entries, and frequency statistics
42. eodem fere tempore et a T. Quinctio de
rebus ad Lacedaemonem gestis et a M. Porcio
consule ex Hispania litterae adlatae. utriusque
nomine in dies ternos supplicatio ab senatu decreta
est.
[2]
L. Valerius consul, cum post fusos circa Litanam
silvam Boios quietam provinciam habuisset,
[3?]
comitiorum causa Romam rediit et creavit consules P.
Cornelium Scipionem Africanum iterum et Ti.
Sempronium Longum. horum patres primo anno
secundi Punici belli consules fuerant.
[4]
praetoria
inde comitia habita; creati P. Cornelius Scipio et
duo Cn. Cornelii, Merenda et Blasio, et Cn. Domitius
Ahenobarbus et Sex. Digitius et T. Iuventius Thalna.
comitiis perfectis consul in provinciam rediit.
[p. 528]
[5]
Novum ius eo anno a Ferentinatibus temptatum,1 ut Latini qui in coloniam Romanam nomina dedissent
cives Romani essent.
[6]
Puteolos Salernumque et
Buxentum adscripti coloni qui nomina dederunt, et
cum ob id se pro civibus Romanis ferrent, senatus
iudicavit non esse eos cives Romanos.
1 A.U.C. 559
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.