Titus Livius (Livy), The History of Rome, Book 37
Evan T. Sage, PhD professor of latin and head of the department of classics in the University of Pittsburgh, Ed.

54. grata oratio regis patribus fuit, et facile apparebat munifice omnia et propenso animo facturos. [2] interposita Zmyrnaeorum brevis legatio est, quia non aderat¹ quidam Rhodiorum. collaudatis egregie Zmyrnaeis, quod omnia ultima pati quam se regi tradere maluissent, introducti Rhodii sunt. [3] quorum princeps legationis expositis initiis amicitiae cum populo Romano meritisque² Rhodiorum Philippi prius, [4?] deinde Antiochi bello “nihil” inquit “nobis totas nostra actione, patres conscripti,³ neque difficilius neque molestius est, quam quod cum Eumene nobis disceptatio est, [5?] cum quo uno maxime regum et privatim singulis et, quod magis nos movet, publicum civitati nostrae hospitium est. [6] ceterum [p. 454] non animi nostri, patres conscripti, nos, sed rerum⁴ natura, quae potentissima est, disiungit, ut nos liberi etiam aliorum libertatis causam agamus, reges serva omnia et subiecta imperio suo esse velint. utcumque tamen res sese habet, [7?] magis verecundia nostra adversus regem nobis obstat quam ipsa disceptatio aut nobis impedita est aut vobis perplexam deliberationem praebitura videtur. [8] nam si aliter socio atque amico regi et bene merito hoc ipso in bello, de cuius praemiis agitur, honos haberi nullus posset, nisi liberas civitates in servitutem traderetis ei, esset [9?] deliberatio anceps ne aut regem amicum inhonoratum dimitteretis, aut decederetis instituto vestro gloriamque Philippi bello partam nunc servitute tot civitatium deformaretis; [10] sed ab hac necessitate aut gratiae in amicum minuendae aut gloriae vestrae egregie vos fortuna vindicat. est enim deum benignitate non gloriosa magis quam dives victoria vestra, quae vos facile isto velut aere alieno exsolvat. [11] nam et Lycaonia et Phrygia utraque et Pisidia omnis et Chersonesus, quaeque circumiacent Europae, in vestra sunt potestate, [12?] quarum una quaelibet regi adiecta multiplicare regnum Eumenis potest, omnes vero datae maximis eum regibus aequare. licet [13?] ergo vobis et praemiis belli ditare socios et non decedere instituto vestro et meminisse, quem titulum praetenderitis prius adversus Philippum, nunc adversus⁵ Antiochum belli, quid feceritis Philippo [p. 456] victo, [14?] quid nunc a vobis, non magis quia fecistis,⁶ quam quia id vos facere decet, desideretur atque expectetur. alia enim aliis et honesta et probabilis est causa armorum; [15] illi agrum, hi vicos, hi oppida, hi portus oramque aliquam maris ut possideant; vos nec cupistis haec antequam haberetis, nec nunc, cum orbis terrarum in dicione vestra sit, cupere potestis. [16] pro dignitate et gloria apud omne humanum genus, quod vestrum nomen imperiumque iuxta ac deos immortales iam pridem intuetur, pugnastis. quae parare et quaerere arduum fuit, nescio an tueri difficilius sit. [17] gentis vetustissimae nobilissimaeque vel fama rerum gestarum vel omni commendatione humanitatis doctrinarumque tuendam ab servitio regio libertatem⁷ suscepistis; hoc patrocinium receptae in fidem et clientelam vestram universae gentis perpetuum vos praestare decet. [18] non, quae in solo⁸ antiquo sunt, Graecae magis urbes sunt quam coloniae earum, illinc⁹ quondam profectae in Asiam; nec terra mutata mutavit genus aut mores. [19] certare pio certamine cuiuslibet bonae artis ac virtutis ausi sumus¹⁰ cum parentibus quaeque civitas et conditoribus suis. [20] adistis Graeciae, adistis¹¹ Asiae urbes plerique; nisi quod longius a vobis [p. 458] absumus, nulla vincimur alia re. [21] Massilienses, quos,¹² si natura insita velut ingenio terrae vinci posset,¹³ iam pridem efferassent tot indomitae circumfusae gentes, in eo honore, in ea merito dignitate audimus¹⁴ apud vos esse, ac si medium umbilicum Graeciae incolerent. [22] non enim sonum modo linguae vestitumque et habitum, sed ante omnia mores et leges et ingenium sincerum integrumque a¹⁵ contagione accolarum servarunt. [23] terminus est nunc imperii vestri mons Taurus; quidquid intra eum cardinem est, nihil longinquum vobis debet videri; quo arma vestra pervenerunt, eodem ius hinc profectum perveniat. [24] barbari, quibus pro legibus semper dominorum imperia fuerunt, quo gaudent, reges¹⁶ habeant; Graeci suam fortunam, vestros animos gerunt.¹⁷ [25] domesticis quondam viribus etiam imperium amplectebantur; nunc imperium, ubi est, ibi ut sit perpetuum, optant; libertatem vestris tueri armis satis habent, quoniam suis non possunt. [26] at enim quaedam civitates cum Antiocho senserunt. et aliae prius cum Philippo, et cum Pyrrho Tarentini; ne alios populos enumerem, Carthago libera cum suis legibus est. [27] huic vestro exemplo quantum debeatis, videte, patres conscripti; inducetis in animum negare Eumenis cupiditati, quod iustissimae irae vestrae negastis. [28] Rhodii et in hoc¹⁸ et in omnibus bellis quae in illa ora gessistis, quam¹⁹ forti fidelique vos [p. 460] opera adiuverimus, vestro iudicio relinquimus. nunc²⁰ in pace consilium id adferimus, quod si comprobaritis, magnificentius vos victoria usos esse quam vicisse omnes existimaturi sint.” apta magnitudini Romanae oratio visa est.