Click on a word to bring up parses, dictionary entries, and frequency statistics
35. haec ubi dixit,1 collaudatum multis verbis P. Licinius2 consul ex contione in senatum duxit.
[2]
ibi quoque ei ex auctoritate senatus gratiae actae, tribunique militares in legione prima primum
pilum virtutis causa ei assignarunt. ceteri centuriones remissa3 appellatione ad dilectum oboedienter responderunt.
[3]
quo maturius in provincias magistratus proficiscerentur, Latinae kalendis Iuniis fuere; eoque sollemni
perfecto C. Lucretius praetor omnibus quae ad
classem opus erant praemissis Brundisium est profectus.
[4]
praeter eos exercitus quos consules comparabant, C. Sulpicio Galbae praetori negotium datum ut
quattuor legiones scriberet urbanas,4 iusto numero peditum equitumque, iisque quattuor tribunos militum ex senatu legeret qui praeessent;
[5]
sociis Latini
nominis imperaret quindecim milia peditum, mille
et ducentos equites; is exercitus uti5 paratus esset quo senatus censuisset.
[6]
P. Licinio consuli ad exercitum civilem socialemque6 petenti addita auxilia, Ligurum duo milia, Cretenses sagittarii— incertus numerus, quantum rogati7 Cretenses misissent—Numidae item equites elephantique.
[7]
in eam [p. 396] rem legati ad Masinissam Carthaginiensesque missi8 L. Postumius Albinus, Q. Terentius Culleo, C. Aburius. in Cretam item legatos tres9 ire placuit, A. Postumium Albinum, C. Decimium,10 A. Licinium Nervam.
1 dixit Fr.: sitis V.
2 Licinius add. kreyssig: om. V.
3 remissa kreyssig: praemissa V.
4 scriberet urbanas Fr.: scriberent uruanas V.
5 uti Fr.: is uti V.
6 socialemque Fr.: societatemque V.
7 rogati J. F. Gronovius: rogati auxilia V.
8 A.U.C. 583
9 i.C.i.l. t. Fr.: in creta mitterent legatos res V.
10 Decimium Sigonius: decium V.
Livy. Books XL-XLII With An English Translation. Cambridge. Cambridge, Mass., Harvard University Press; London, William Heinemann, Ltd. 1938: published without copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.