Click on a word to bring up parses, dictionary entries, and frequency statistics
55. consul Romanus, per eosdem dies Thessaliam
cum exercitu petens, iter expeditum primo per
Epirum habuit;
[2]
deinde, postquam in Athamaniam
est transgressus, asperi ac prope invii soli,1 cum ingenti difficultate parvis itineribus aegre Gomphos
pervenit;
[3]
cui si vexatis hominibus equisque tironem
exercitum ducenti acie instructa et loco suo et
tempore obstitisset rex, ne Romani quidem abnuunt
magna sua cum clade fuisse2 pugnaturos.
[4]
postquam Gomphos sine certamine ventum est, praeter gaudium periculosi saltus superati, contemptus quoque hostium adeo ignorantium opportunitates
suas accessit.
[5]
sacrificio rite perfecto consul et
frumento dato militibus paucos ad requiem iumentorum hominumque moratus dies, cum audiret
vagari Macedonas effusos per Thessaliam vastarique
sociorum agros, satis iam refectum militem ad
Larisam ducit.
[6]
inde cum tria milia ferme abesset,
[p. 462]
ad Tripolim3 —Scaeam vocant—super Peneum amnem posuit castra.
[7]
per idem tempus Eumenes ad Chalcidem navibus accessit cum Attalo atque
Athenaeo fratribus, Philetaero fratre relicto Pergami
ad tutelam regni.
[8]
chalcide cum Attalo et quattuor
milibus peditum, mille equitum ad consulem venit;
Chalcide relicta duo milia peditum, quibus Athenaeus
praepositus.4 et alia eodem auxilia Romanis ex omnibus undique Graeciae populis convenerunt, quorum pleraque—adeo parva erant5 —in oblivionem adducta.
[9]
apolloniatae trecentos equites centum pedites miserunt. Aetolorum alae unius instar,
[10]
quantum ab6 tota gente equitum7 venerant, et Thessalorum, quorum8 somnis equitatus speratus9 erat, non plus quam trecenti erant equites10 in castris Romanis. achaei iuventutis suae, Cretico maxime armatu, ad mille quingentos dederunt.
1 asperi ac prope invii soli Fr.: asperis ac prope iniu solis V.
2 clade fuisse Fr.: clade uisse V.
3 abesset ad Tripolim J. F. Gronovius: adesse ai tripoli (sic) V.
4 praepositus et alia Fr.: praetor praepositus alia et V.
5 parva erant Fr.: paruerunt V.
6 ab Fr.: ad V.
7 equitum Fr.: equitem V.
8 quorum add. Drakenborch: om. V.
9 speratus Drakenborch: partus V.
10 equites Fr.: adquei (sic) V.
Livy. Books XL-XLII With An English Translation. Cambridge. Cambridge, Mass., Harvard University Press; London, William Heinemann, Ltd. 1938: published without copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.