Click on a word to bring up parses, dictionary entries, and frequency statistics
26. dum haec ibi, alia in Macedonia, alia Itomae1 geruntur, interim in2 Illyrico L. Anicius rege Gentio, sicut ante dictum est, in potestatem redacto
[p. 334]
[2]
Scodrae, quae regia fuerat, praesidio imposito3 Gabinium praefecit, Rhizoni et Olcinio, urbibus opportunis, C. Licinium.
[3]
praepositis his Illyrico, reliquo exercitu4 in Epirum est profectus. ubi prima Phanote ei dedita est omni multitudine5 cum infulis obviam effusa.
[4]
hinc6 praesidio imposito in Molossidem transgressus, cuius omnibus oppidis praeter Passaronem et Tecmonem et Phylacen et Horreum receptis primum ad Passaronem ducit.
[5]
antinous et Theodotus principes eius civitatis erant, insignes et favore Persei et odio adversus Romanos; iidem universae genti auctores desciscendi ab
Romanis.
[6]
hi conscientia privatae noxae, quia ipsis
nulla spes veniae erat, ut communi ruina patriae
opprimerentur, clauserunt portas, multitudinem ut
mortem servituti praeponerent hortantes.
[7]
nemo
adversus praepotentis viros hiscere audebat; tandem
Theodotus quidam, nobilis et ipse adulescens, cum
maior a Romanis metus timorem a principibus suis
vicisset,
“quae vos rabies” inquit “agitat, qui duorum
hominum noxae civitatem accessionem facitis?7 equidem pro patria qui letum oppetissent,
[8]
saepe fando audivi; qui8 patriam pro se perire aequum censerent, hi primi inventi sunt. quin aperimus [p. 336] portas et imperium accipimus, quod orbis terrarum9 accepit?”
[9]
haec dicentem cum multitudo sequeretur, Antinous et Theodotus in primam stationem hostium
inruperunt atque ibi offerentes se ipsi volneribus
interfecti; urbs dedita est Romanis.
[10]
simili pertinacia Cephali principis10 clausum Tecmonem ipso
interfecto per deditionem recepit. nec Phylace nec
Horreum oppugnationem tulerunt.
[11]
pacata Epiro
divisisque in hiberna copiis per opportunas urbes,
regressus ipse in Illyricum Scodrae, quo quinque legati ab Roma venerant, evocatis ex tota provincia
principibus conventum habuit.
[12]
ibi pro tribunali
pronuntiavit de sententia consilii senatum populumque Romanum Illyrios esse liberos iubere;
praesidia ex omnibus oppidis, arcibus,11 castellis sese deducturum.
[13]
non solum liberos, sed etiam immunes fore Issenses et Taulantios, Dassaretiorum Pirustas, Rhizonitas, Olciniatas, quod incolumi
Gentio ad Romanos defecissent.
[14]
daorsis quoque immunitatem dare, quod relicto Caravantio cum
armis ad Romanos transissent. scodrensibus et
Dassarensibus et Selepitanis ceterisque Illyriis
vectigal dimidium eius, quod regi pependissent,12 impositum.13
[15]
inde in tres partes Illyricum divisit. unam eam fecit, quae supra dictam14 est, alteram Labeatas omnis, tertiam Agravonitas et Rhizonitas [p. 338]
et Olciniatas accolasque eorum. hac formula dicta15 Illyrico16 ipse inde17 Epiri Passaronem in hiberna redit.
1 Romae Fr: Romae—in Asia V.
2 in add. Fr: om. V.
3 A.U.C. 587
4 reliquo exercitu Wesenberg: reliquae exercitum V.
5 dedita est omni multitudine Madvig: dedita totomniummultitudinem V.
6 hinc Duker: hic V.
7 civitatem . . . facitis J. F. Gronovius: civitates ... factis V.
8 qui add. Fr: om. V.
9 A.U.C. 587
10 Cephali principis J. F. Gronovius: cepalonis principiis V.
11 arcibus Wesenberg: arciuusest V.
12 pependissent Sigonius: pendissent V.
13 impositum add. heraeus: om. V.
14 quae supra dictam C. Müller: q supra dictam V: Issam Madvig.
15 A.U.C. 587
16 Illyrico Madvig: in Illyrico V.
17 inde Harant: in V.
Livy. Books XLIII-XLV With An English Translation. Cambridge. Cambridge, Mass., Harvard University Press; London, William Heinemann, Ltd. 1951: published without copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.