previous next

Click on a word to bring up parses, dictionary entries, and frequency statistics

At várdögum býr Hjálmþér sinn skipaflota ok gekk síðan fyrir föður sinn ok bað hann sér menn nokkura. Konungr kvaðst eigi til hafa. Hjálmþér mælti: " mér einn mann af hirð þinni." "Haf þú hvern, sem þú vilt, nema Björn," segir konungr. Hjálmþér gekk til svína ok þar mann liggja, mikinn ok stóran ok furðuliga sterkligan, í loðkápu. Hjálmþér stakk á honum spjótskapti ok mælti: "Stattu upp, þræll." Hann liggr eigi at síðr. Hjálmþér lét koma við hann skaptit í annat sinn. Hann settist þá upp ok mælti: "Mun eigi vera sem mér sýnist, at þetta konungsson?" Hjálmþér mælti ok bað hann upp standa ok fara með sér. "Gera skal ek þér kost á því," segir hann. "Ek vil einn öllu ráða, en þú engu." Hjálmþér mælti: "Þat vinn ek eigi til nokkurs manns, eða hvat heitir þú?" Hann mælti: "Því skalt þú ráða, en Hörðr heiti ek." Hjálmþér gekk í burt. Hann kom at einum bekk ok þar Vargeisu standa. Honum kom í hug, hvat hún hafði mælt. Hann gekk aptr ok mælti: "Stattu upp, þræll, ok gakk með mér ok ráð einn öllu." Hann segir: "Ek mun til skipa ganga, en þú munt finna stjúpu þína." Hjálmþér gekk heim at höllinni. Hann þá stjúpu sína ganga á móti sér. Honum leizt hún ekki frýnilig. Hún var þá bæði ljót ok leiðinlig yfirlits ok ófögr í ásjónu. Hún mælti: "Vel er þat, Hjálmþér, at vit höfum fundizt." Hann kveðst þat eigi lasta kunna. Hún segir: " skal launa þér pústrinn, er þú gafst mér fyrir löngu. Þat legg ek á þik, at þú skalt hvergi kyrr þola, hvorki nótt dag, fyrr en þú sér Hervöru Hundingsdóttur, nema á skipum þínum ok í tjaldi." Hjálmþér mælti: "Ekki skaltu fleira á mik leggja, því at kjaptr þinn skal opinn standa, en þat þykkir mér einskis vert at þreyja eptir eina konungsdóttur. Hamrar hávir standa niðr við skipalægit. Þar skaltu á stíga sínum fæti á hvárn hamarinn, en fjórir þrælar föður míns skulu kynda eld undir þér, en við ekki skaltu lifa nema þat, sem hrafnar færa þér, þar til ek kem aptr." Síðan gekk hann til skipa. Var þá bryggjum kippt. Hann hafði fimm skip ór landi ok skipuð völdum drengjum, ok halda síðan burt. Fyrstu máltíð bað Hjálmþér Hörð at sitja hjá þér. Hann kveðst þat eigi vilja. "Einn saman vil ek mat eiga, en sofa í rekkjugólfi þínu." Hjálmþér bað hann ráða.
load Vocabulary Tool
hide Display Preferences
Greek Display:
Arabic Display:
View by Default:
Browse Bar: