This text is part of:
Search the Perseus Catalog for:
Click on a word to bring up parses, dictionary entries, and frequency statistics
[3]
Inter multa magnifica Demetri
nostri et haec vox est, a qua recens sum ; sonat
adhuc et vibrat in auribus meis : " Nihil," inquit,
" mihi videtur infelicius eo, cui nihil umquam evenit
adversi." Non licuit enim illi se experiri. Ut ex
voto illi fluxerint omnia, ut ante votum, male tamen
de illo dii iudicaverunt. Indignus visus est a quo
vinceretur aliquando fortuna, quae ignavissimum
quemque refugit, quasi dicat : " Quid ego istum mihi
adversarium adsumam ? Statim arma submittet; non
opus est in illum tota potentia mea, levi comminatione
pelletur, non potest sustinere vultum meum. Alius
circumspiciatur cum quo conferre possimus manum ;
pudet congredi cum homine vinci parato.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.