Click on a word to bring up parses, dictionary entries, and frequency statistics
“
[66]
Haec ego nunc physicorum oracla fundo, vera an falsa
nescio, sed veri simile tamen similiora quam vestra.
ista enim flagitia Democriti sive etiam ante Leucippi,
esse corpuscula quaedam levia alia aspera, rutunda [p. 26]
alia, partim autem angulata et hamata, curvata quaedam et quasi adunca, ex iis effectum esse caelum atque terram nulla cogente natura sed concursu quodam
fortuito—hanc tu opinionem C. Vellei usque ad hanc
aetatem perduxisti, priusque te quis de omni vitae
statu quam de ista auctoritate deiecerit; ante enim iudicasti Epicureum te esse oportere quam ista cognovisti:
ita necesse fuit aut haec flagitia concipere animo aut
susceptae philosophiae nomen amittere.
”
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.