Click on a word to bring up parses, dictionary entries, and frequency statistics
“
[84]
at primum quot hominum
linguae tot nomina deorum; non enim ut tu Velleius
quocumque veneris sic idem in Italia Volcanus idem in
Africa idem in Hispania. deinde nominum non magnus
numerus ne in pontificiis quidem nostris, deorum autem
[p. 33]
innumerabilis. an sine nominibus sunt? istud quidem ita vobis dicere necesse est; quid enim attinet,
cum una facies sit, plura esse nomina? Quam bellum
erat Vellei confiteri potius nescire quod nescires quam
ista effutientem nauseare atque ipsum sibi displicere.
An tu mei similem putas esse aut tui deum? profecto
non putas.
"Quid ergo, solem dicam aut lunam aut caelum
deum? ergo etiam beatum: quibus fruentem voluptatibus? et sapientem: qui potest esse in eius modi
trunco sapientia?
”
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.