Click on a word to bring up parses, dictionary entries, and frequency statistics
“
[96]
nihil aliud dicis nisi "Numquam vidi solem aut mundum beatum". Quid mundum
praeter hunc umquamne vidisti? negabis. cur igitur
non sescenta milia esse mundorum sed innumerabilia
ausus es dicere? "Ratio docuit." Ergo hoc te ratio non
docebit, cum praestantissima natura quaeratur eaque
beata et aeterna, quae sola divina naturast, ut inmortalitate vincamur ab ea natura sic animi praestantia
vinci, atque ut animi item corporis? cur igitur, cum
ceteris rebus inferiores simus, forma pares sumus; ad
similitudinem enim deorum propius accedebat humana
virtus quam figura.
”
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.