Click on a word to bring up parses, dictionary entries, and frequency statistics
“
[117]
Huic autem continens
aer fertur ille quidem levitate sublimi, sed tamen in
omnes partes se ipse fundit; itaque et mari continuatus et iunctus est et natura fertur ad caelum, cuius
tenuitate et calore temperatus vitalem et salutarem
spiritum praebet animantibus. Quem complexa summa
pars caeli, quae aetheria dicitur, et suum retinet ardorem tenuem et nulla admixtione concretum et cum
aeris extremitate coniungitur. In aethere autem astra [p. 97]
volvuntur, quae se et nisu suo conglobata continent
et forma ipsa figuraque sua momenta sustentant; sunt
enim rutunda, quibus formis, ut ante dixisse videor,
minime noceri potest.
”
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.