Click on a word to bring up parses, dictionary entries, and frequency statistics
“
[95]
Praeclare ergo Aristoteles "Si essent" inquit "qui sub terra semper habitavissent bonis et inlustribus domiciliis, quae essent ornata signis atque picturis instructaque rebus his omnibus quibus abundant i qui beati putantur, nec tamen
exissent umquam supra terram, accepissent autem fama
et auditione esse quoddam numen et vim deorum,
deinde aliquo tempore patefactis terrae faucibus ex
illis abditis sedibus evadere in haec loca quae nos incolimus atque exire potuissent: cum repente terram et
maria caelumque vidissent, nubium magnitudinem ventorumque vim cognovissent aspexissentque solem eiusque cum magnitudinem pulchritudinemque tum etiam
efficientiam cognovissent, quod is diem efficeret toto
caelo luce diffusa, cum autem terras nox opacasset tum
caelum totum cernerent astris distinctum et ornatum
lunaeque luminum varietatem tum crescentis tum senescentis, eorumque omnium ortus et occasus atque in
omni aeternitate ratos inmutabilesque cursus—quae
cum viderent, profecto et esse deos et haec tanta opera
”
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.