previous next

Click on a word to bring up parses, dictionary entries, and frequency statistics

δ᾽ Ὄσιρις ἐκ τοῦ ὁσίου καὶ ἱεροῦ τοὔνομα μεμιγμένον ἔσχηκε: κοινὸς γάρ ἐστι τῶν ἐν οὐρανῷ καὶ τῶν ἐν Ἅιδου λόγος: ὧν τὰ μὲν ἱερὰ τὰ δ᾽ ὅσια τοῖς παλαιοῖς ἔθος 1 ἦν προσαγορεύειν. δ᾽ ἀναφαίνων τὰ οὐράνια καὶ τῶν ἄνω φερομένων λόγος 2 Ἄνουβις, ἔστι δ᾽ ὅτε καὶ Ἑρμάνουβις ὀνομάζεται, τὸ μὲν ὡς: τοῖς ἄνω τὸ δ᾽ ὡς τοῖς κάτω προσήκων. διὸ καὶ θύουσιν αὐτῷ τὸ μὲν λευκὸν ἀλεκτρυόνα, τὸ δὲ 3 κροκίαν, τὰ μὲν εἰλικρινῆ καὶ φανά, τὰ δὲ μικτὰ καὶ ποικίλα νομίζοντες. οὐ δεῖ δὲ θαυμάζειν τῶν ὀνομάτων τὴν εἰς τὸ Ἑλληνικὸν ἀνάπλασιν: καὶ γὰρ ἄλλα μυρία τοῖς μεθισταμένοις ἐκ τῆς Ἑλλάδος συνεκπεσόντα μέχρι νῦν παραμένει καὶ ξενιτεύει παρ᾽ ἑτέροις, ὧν ἔνια τὴν ποιητικὴν ἀνακαλουμένην διαβάλλουσιν ὡς βαρβαρίζουσαν οἱ γλώττας τὰ τοιαῦτα 4 προσαγορεύοντες. ἐν δὲ ταῖς Ἑρμοῦ λεγομέναις βίβλοις ἱστοροῦσι γεγράφθαι περὶ τῶν ἱερῶν ὀνομάτων, ὅτι τὴν μὲν ἐπὶ τῆς τοῦ ἡλίου περιφορᾶς τεταγμένης δύναμιν Ὧρον, 5 Ἕλληνες δ᾽ Ἀπόλλωνα καλοῦσι: τὴν δ᾽ ἐπὶ τοῦ πνεύματος οἱ μὲν Ὄσιριν, οἱ δὲ Σάραπιν, οἱ δὲ Σῶθιν 6 Αἰγυπτιστί: [p. 536] σημαίνει δὲ κύησιν τὸ κύειν. διὸ καὶ παρατροπῆς γενομένης; τοῦ ὀνόματος, Ἑλληνιστὶ κύων κέκληται τὸ ἄστρον, ὅπερ ἴδιον τῆς Ἴσιδος νομίζουσιν. ἥκιστα μὲν οὖν δεῖ φιλοτιμεῖσθαι περὶ τῶν ὀνομάτων, οὐ μὴν ἀλλὰ μᾶλλον ἂν 7 ὑφείμην 8 τοῦ Σαράπιδος Αἰγυπτίοις τοῦ 9 Ὀσίριδος, ἐκεῖνο μὲν 10 ξενικόν, τοῦτο δ᾽ Ἑλληνικόν, ἄμφω δ᾽ ἑνὸς θεοῦ καὶ μιᾶς δυνάμεως ἡγούμενος.

Creative Commons License
This work is licensed under a Creative Commons Attribution-ShareAlike 3.0 United States License.

An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.

load focus English (Frank Cole Babbitt, 1936)
load focus English (Goodwin, 1874)
load Vocabulary Tool
hide Display Preferences
Greek Display:
Arabic Display:
View by Default:
Browse Bar: