previous next

Click on a word to bring up parses, dictionary entries, and frequency statistics


15. IN ILLUSTRISSIMUM ET EXCELLENTISSIMUM | PRINCIPEM FRANCISCUM GONZAGAM MANTUAE MARCHESEM | VENETORUM INVICTISSIMUM IMPERATOREM

1 Principe gaudendum est iterum victore reverso,
Musa move residem desidiosa lyram.
2 Dant sua Romanis victae cognomina gentes,
Et iam patratum testificantur opus.
5At nondum victi dederant tibi nomina Franci,
Quae tibi venturae nuncia laudis erant.
3 Nomen habes, Turcus, sunt haec praesagia rerum
Maxima, et hoc nomen grandius omen habet.
4 Esse ferunt regi Turcorum insignia lunas.
10Sol tibi, Sol certe nobilitate prior.
5 Vincere ab occasu coepit, mox vicit ad ortum
Res haec magnae omen prosperitatis habet.
6 Prima fugant Gallos (crescit tua gloria) Gallos
Atque gravem morbum bella secunda domant.
7 15Prima domat Francos, quid aget maturior aetas?
Virtus certe aliquid maius adulta potest.
Suspicor his signis aliquid sublime notari.
Quod precor in lucem tempora nostra ferant.
8 Gignit, alit virtutem usus, confirmat, et auget
20Perge igitur, fies Scipio vel Marius.
9 Omnia quae magnis capiunt e fontibus ortum
Flumina in ingentes amplificantur aquas
Si tuus a magnis sumens exordia rebus
Tendere in immensum significatur honor.
10 25Vive tuae splendor patriae, tecum Itala virtus
Surgit, et elatum tollit in astra caput.

11 Hydra venenoso letalia vulnera morsu
Intulit, et solo noxia dente fuit.
Natus in ardenti Libyae basiliscus harenae
30Vulnerat aspectu, luminibusque necat.
Ergo tuum tanto maius decus Hercule Thoma,
Quanto oculos morsu longius ire potest.
Ut minus est oculis missum vitabile virus,
Gloria sic maior regulus, hydra minor.

1 DISTICHON

2 TETRASTICHON

3 DISTICHON

4 ALIUD

5 ALIUD

6 ALIUD

7 TETRASTICHON

8 DISTICHON

9 TETRASTICHON

10 DISTICHON

11 IN THOMAM UVOLFIUM DECRETORUM DOCTOREM | AC AEDIS S. PETRI ET MICHAELIS ARGENTINENSIS DECANUM, | QUI HABEBAT BASILISCUM MORTUUM, IOCUS

Creative Commons License
This work is licensed under a Creative Commons Attribution-ShareAlike 3.0 United States License.

An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.

load Vocabulary Tool
hide Display Preferences
Greek Display:
Arabic Display:
View by Default:
Browse Bar: