23. Lilius ad invidum
Musa, coronatis semper victura capillis,Non metuas lingue murmura seva male;
Non te livor iners non quod terit omnia tempus
Non mare non flamme debilitare valent.
5Quid furis insane nimium linguamque malignam
In magni exerces carmina Callimachi?
Nil agis, o Coridon: vivent hec carmina, vivent,
Cumque suo vivet carmine Fanniola.
Desine vel docto si non vis parcere vati,
10Invide, iam sileas; invide parce tibi.