1. Maffei Veggii Laudensis ad Marrasium Siculum
Musa, age, sopitas in carmina concipe viresIngeniumque tepens, pulcher Apollo, move.
Pauca canam nostro vati quem vulnera flentem
Saeva pharetrato vidimus acta deo.
5Ille est Marrasius, quem nostro Antonius aevo
Clara Panhormigenae gloria gentis amat.
Vade, age, vade; suos solabere, Musa, dolores;
Hoc primum nostri pignus amoris erit.
Fac etiam ut teneas nostri mandata Catonis,
10Scilicet hunc salvum nomine adire suo.