λοῦται δ᾽ ἀληθῶς: ἀλλὰ τί;καὶ Κηφισόδωρος ἐν Τροφωνίῳ ῾I 800 K':'
Β. ἐκ χρυσοκολλήτου δὲ κάλπιδος μύρῳ
Αἰγυπτίῳ μὲν τοὺς πόδας καὶ τὰ σκέλη,
φοινικίνῳ δὲ τὰς γνάθους καὶ τιτθία,
σισυμβρίνῳ δὲ τὸν ἕτερον βραχίονα,
ἀμαρακίνῳ δὲ τὰς ὀφρῦς καὶ τὴν κόμην,
ἑρπυλλίνῳ δὲ τὸ γόνυ καὶ τὸν αὐχένα ...
ἔπειτ᾽ ἀλείφεσθαι πρίω τὸ σῶμά μοιἈναξανδρίδης Πρωτεσιλάῳ ῾II 151 K':'
μύρον ἴρινον καὶ ῥόδινον, ἄγαμαι, Ξανθία:
καὶ τοῖς ποσὶν χωρὶς πρίω μοι βάκχαριν.
Β. ὦ λακκόπρωκτε, βάκχαριν τοῖς σοῖς ποσὶν
ἐγὼ πρίωμαι; λαικάσομἄρα βάκχαριν;
μύρον τε παρὰ Πέρωνος, οὗπερ ἀπέδοτομνημονεύει τοῦ μυροπώλου τούτου τοῦ Πέρωνος καὶ Θεόπομπος ἐν Ἀδμήτῳ καὶ Ἡδυχάρει ῾I 733. 737 K'.' Ἀντιφάνης δ᾽ ἐν Ἀντείᾳ ῾II 24':'
ἐχθὲς Μελανώπῳ, πολυτελοῦς Αἰγυπτίου,
ᾧ νῦν ἀλείφει τοὺς πόδας Καλλιστράτου.
πρὸς τῷ μυροπώλῃ γευόμενον κατελίμπανον
αὐτὸν περὶ μύρον ..... μέλλει τε συνθείς σοι φέρειν
τὰ κινναμώμινα ταῦτα καὶ τὰ νάρδινα.