Principio fluvios gentemque et litora ductor
explorare iubet, paulumque egressus Echion
135invenit obscura gemitus in valle trahentem
clam iuvenem et caesi maerentem nomen amici.
ille virum ut contra venientem umbrataque vidit
tempora Parrhasio patris de more galero
paciferaeque manu nequiquam insignia virgae,
140'heu fuge', ait 'certo, quicumque es, perdite, passu,
dum datur.' obstipuit visu Nonacria proles,
quid ferat admirans. postquam remeare monentem
ocius et dictis perstantem cernit in isdem,
abripit et sociis, quae sint ea, promere cogit.
145ille manum tendens 'non haec' ait 'hospita1 vobis
terra, viri, non hic ullos reverentia ritus
pectora; mors habitat saevaeque hoc litore pugnae.
[p. 86]
iam veniet diros Amycus qui tollere caestus
imperet et2 vasto qui vertice nubila pulset.
150talis in advectos Neptuni credita proles
aeternum furit atque aequae virtutis egentes
ceu superum segnes ad iniqua altaria tauros
constituit, tandem ut misero lavet arma cerebro.
consulite atque fugae medium ne temnite tempus.
155namque isti frustra quisquam concurrere3 monstro
audeat; et quaenam talem vidisse voluptas?'
ductor ad haec 'Bebryxne venis diversaque regi
corda gerens4 (melior vulgi nam saepe voluntas),
hostis an externis fato delatus ab oris?
160et tua cur Amycus caestu nondum obruit ora?'
'nomen' ait 'praedulce mihi †nomenque†5 secutus
Otreos unanimi. decus ille et laeta suorum
gloria nec vestros comes aspernandus in actus,
Hesionam et Phrygiae peteret cum gaudia nuptae,
165hic Amycum contra iussus stetit atque ego palmas
implicui; sed prima procul vixdum ora levantis
fulminea6 frontem dextra disiectaque fudit
lumina. me numquam leto dignatus et armis,
sed lacrimis potius luctuque absumor7 inerti.
170spes tamen, his fando8 si nuntius extitit oris
et Mariandynum patrias penetravit ad urbes,
unde genus fraterque viro — sed et ille quierit
oro9 nec vanis cladem Lycus augeat armis.'
Haec ubi non ulla iuvenes10 formidine moti
175accipiunt, videt et dura sic pergere mente,11
terga sequi properosque iubet coniungere gressus.
litore in extremo spelunca apparuit ingens,
[p. 87]
arboribus super et dorso contecta minanti,
non quae dona deum, non quae trahat aetheris ignem,
180infelix domus et sonitu tremibunda12 profundi.
at varii pro rupe metus: hic13 trunca rotatis
bracchia rapta viris strictoque immortua caestu,
ossaque taetra situ et capitum14 maestissimus ordo.
respicias quibus adverso sub vulnere nulla
185iam facies nec nomen erat; media ipsius arma
sacra metu1516 magnique aris imposta parentis.
hospitis hic primum monitus rediere Dymantis,17
et18 pavor et monstri subiit absentis imago,
atque oculos cuncti inter se tenuere silentes,
190done sidereo Pollux interritus ore
'te tamen, hac quicumque es' ait 'formidine, faxo19
iam tua silva ferat, modo sint tibi sanguis et artus.'
omnibus idem animus forti decernere pugna,
exoptantque virum contraque20 occurrere poscunt.
195qualiter ignotis spumantem funditus amnem21
... 22
pandit iter, mox omne pecus formidine pulsa
pone subit iamque et mediis praecedit ab undis.
This text is part of:
Click on a word to bring up parses, dictionary entries, and frequency statistics
1 manum S, manu V | hospita X2M, hosta V
2 et SM2, om. V
3 concurrere SM2, concurre V
4 gerens M2 in marg., regens V
5 nomenque V, ductumque Heinsius, votumque Damsté, fort. nutumque
6 Fulminea Bon.1, Fulmineam V
7 assumor C
8 fando M, frando V
9 oro Pius, Ora V, Gracia C
10 non ulla cod. Bon, non nulla V | iuuenis V
11 videt et Schenkl, dolet et V, dolor et duras insurgere mentes C
12 tremebunda XII1, remibunda VII
13 at Heinsius, Vt V, et Bon.2 | hic Aid., hinc V
14 et Heinsius, om. V, fort. capitum et
15 media T, medius V
16 metu Q, mentuque V
17 monitus P, monitis VC | Dymantis Hein- sius, tymantis V, tumentes C
18 Et V2SM, E V
19 hac etiam V habet | ait Bon.1, aut V | faxo Bon.2, saxo V
20 contraque SM2, contra V
21 amnem M, amem V
22 sen- tentiam mancam sic supplevit C taurus aquis, qui primus init, spernitque tumentem,
C. Valerius Flaccus. Otto Kramer. C. Valeri Flacci Setini Balbi Argonauticon Libri Octo. Leipzig. Teubner. 1913.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.