Click on a word to bring up parses, dictionary entries, and frequency statistics
Χορός
ἀντιψάλμους ᾠδὰς ὕμνων τ᾽
180Ἀσιητᾶν σοι βάρβαρον ἀχὰν
δεσποίνᾳ γ᾽ ἐξαυδάσω,
τὰν ἐν θρήνοισιν μοῦσαν
νέκυσι μελομέναν, τὰν ἐν μολπαῖς
185Ἅιδας ὑμνεῖ δίχα παιάνων.
οἴμοι, τῶν Ἀτρειδᾶν οἴκων:
ἔρρει φῶς σκήπτρων, οἴμοι,
πατρῴων οἴκων.
ἦν ἐκ τῶν εὐόλβων Ἄργει
190βασιλέων ἀρχά,
μόχθος δ᾽ ἐκ μόχθων ᾁσσει:
δινευούσαις ἵπποισι ῥιφαὶ
Πέλοπος πταναῖς: ἀλλάξας δ᾽ ἐξ
ἕδρας ἱερὸν ἱερὸν ὄμμ᾽ αὐγᾶς
195ἅλιος. ἄλλαις δ᾽ ἄλλα προσέβα
χρυσέας ἀρνὸς μελάθροις ὀδύνα,
† φόνος ἐπὶ φόνῳ, ἄχεα ἄχεσιν †
ἔνθεν τῶν πρόσθεν δμαθέντων
200Τανταλιδᾶν ἐκβαίνει ποινά γ᾽
εἰς οἴκους, σπεύδει δ᾽ ἀσπούδαστ᾽
ἐπὶ σοὶ δαίμων.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.