previous next

Click on a word to bring up parses, dictionary entries, and frequency statistics


Ἡνίοχος

τί τοῖσδ᾽ ἀπειλεῖς βάρβαρός τε βαρβάρου
γνώμην ὑφαιρῇ τὴν ἐμήν, πλέκων λόγους;
835σὺ ταῦτ᾽ ἔδρασας: οὐδέν᾽ ἂν δεξαίμεθα
οὔθ᾽ οἱ θανόντες οὔτ᾽ ἂν οἱ τετρωμένοι
ἄλλον: μακροῦ γε δεῖ σε καὶ σοφοῦ λόγου,
ὅτῳ με πείσεις μὴ φίλους κατακτανεῖν,
ἵππων ἐρασθείς, ὧν ἕκατι συμμάχους
840τοὺς σοὺς φονεύεις, πόλλ᾽ ἐπισκήπτων μολεῖν.
ἦλθον, τεθνᾶσιν: εὐπρεπέστερον Πάρις
ξενίαν κατῄσχυν᾽ σὺ συμμάχους κτανών.
μὴ γάρ τι λέξῃς ὥς τις Ἀργείων μολὼν
διώλεσ᾽ ἡμᾶς: τίς δ᾽ ὑπερβαλὼν λόχους
845Τρώων ἐφ᾽ ἡμᾶς ἦλθεν, ὥστε καὶ λαθεῖν;
σὺ πρόσθεν ἡμῶν ἧσο καὶ Φρυγῶν στρατός.
τίς οὖν τέτρωται, τίς τέθνηκε συμμάχων
τῶν σῶν, μολόντων ὧν σὺ πολεμίων λέγεις;
ἡμεῖς δ᾽ ἑκὰς τετρώμεθ᾽, οἳ δὲ μειζόνως
850παθόντες οὐχ ὁρῶσιν ἡλίου φάος.
ἁπλῶς δ᾽ Ἀχαιῶν οὐδέν᾽ αἰτιώμεθα.
τίς δ᾽ ἂν χαμεύνας πολεμίων κατ᾽ εὐφρόνην
Ῥήσου μολὼν ἐξηῦρεν, εἰ μή τις θεῶν
ἔφραζε τοῖς κτανοῦσιν; οὐδ᾽ ἀφιγμένον
855τὸ πάμπαν ᾖσαν: ἀλλὰ μηχανᾷ τάδε.

Ἕκτωρ

χρόνον μὲν ἤδη συμμάχοισι χρώμεθα
ὅσονπερ ἐν γῇ τῇδ᾽ Ἀχαιικὸς λεώς,
κοὐδὲν πρὸς αὐτῶν οἶδα πλημμελὲς κλύων:
ἐν σοὶ δ᾽ ἂν ἀρχοίμεσθα. μή μ᾽ ἔρως ἕλοι
860τοιοῦτος ἵππων ὥστ᾽ ἀποκτείνειν φίλους.
καὶ ταῦτ᾽ Ὀδυσσεύς: τίς γὰρ ἄλλος ἄν ποτε
ἔδρασεν 'βούλευσεν Ἀργείων ἀνήρ;
δέδοικα δ᾽ αὐτὸν καί τί μου θράσσει φρένας,
μὴ καὶ Δόλωνα συντυχὼν κατακτάνῃ:
865χρόνον γὰρ ἤδη φροῦδος ὢν οὐ φαίνεται.

Ἡνίοχος

οὐκ οἶδα τοὺς σοὺς οὓς λέγεις Ὀδυσσέας:
ἡμεῖς δ᾽ ὑπ᾽ ἐχθρῶν οὐδενὸς πεπλήγμεθα.

Ἕκτωρ

σὺ δ᾽ οὖν νόμιζε ταῦτ᾽, ἐπείπερ σοι δοκεῖ.

Ἡνίοχος

γαῖα πατρίς, πῶς ἂν ἐνθάνοιμί σοι;

Ἕκτωρ

870μὴ θνῇσχ᾽: ἅλις γὰρ τῶν τεθνηκότων ὄχλος.

Ἡνίοχος

ποῖ δὴ τράπωμαι δεσποτῶν μονούμενος;

Ἕκτωρ

οἶκός σε κεύθων οὑμὸς ἐξιάσεται.

Ἡνίοχος

καὶ πῶς με κηδεύσουσιν αὐθεντῶν χέρες;

Ἕκτωρ

ὅδ᾽ αὖ τὸν αὐτὸν μῦθον οὐ λήξει λέγων.

Ἡνίοχος

875ὄλοιθ᾽ δράσας. οὐ γὰρ ἐς σὲ τείνεται
γλῶσσ᾽, ὡς σὺ κομπεῖς: Δίκη δ᾽ ἐπίσταται.

Ἕκτωρ

λάζυσθ᾽: ἄγοντες δ᾽ αὐτὸν ἐς δόμους ἐμούς,
οὕτως ὅπως ἂν μὴ 'γκαλῇ πορσύνετε:
ὑμᾶς δ᾽ ἰόντας τοῖσιν ἐν τείχει χρεὼν
880Πριάμῳ τε καὶ γέρουσι σημῆναι νεκροὺς
θάπτειν κελεύθου λεωφόρου πρὸς ἐκτροπάς.

Creative Commons License
This work is licensed under a Creative Commons Attribution-ShareAlike 3.0 United States License.

An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.

hide References (2 total)
  • Commentary references to this page (1):
    • Sir Richard C. Jebb, Commentary on Sophocles: Oedipus at Colonus, 790
  • Cross-references in general dictionaries to this page (1):
load Vocabulary Tool
hide Display Preferences
Greek Display:
Arabic Display:
View by Default:
Browse Bar: