1. pro domino Francisco Petrarca, | Iohanne Boccaccio, Zanobio de Strata, | et Dante Alligerii
Hos vates summosque viros quibus ardua nossePyeridum natura dedit, quibus ipsa poesis
Claruit, yllustris genuit Florentia mundo.
Hec igitur veneranda domus que premia semper
5Digna refert gestis licet ipsos digna per orbem
Fama ferat. hac laude diu per secula dignos
Censuit et clarum semper splendescere nomen,
Corpus et effigiem signans ut vita manebat.
2. pro Dante Aligherio
Inclitus hic Dantes carmen vulgare poesisComposuit tria regna canens: letale baratrum,
Quodque etiam delicta lavat, lotisque per astra
Itur in alterius requiem sine fine beatam.
3. pro domino Francisco Petrarca
Quod nulli natura dedit Franciscus adeptus.Carmine bella canit silvas et pascua claro,
Et mores satirasque prosa, nec amenius alter.
Ergo digna virens ornavit tempora laurus.
4. pro Zanobio de Strata
Huius Apollinea Cesar de fronde capillosCinsit in Alphea, tantum virtutis in illo
Instar erat. potuit cunctos modulamine vates
Equiparare suo nisi mors properasset acerba.
5. pro domino Iohanne Boccacii
Progeniem canit iste deum, mirabile numquamVisum opus, et claras matres casusque virorum,
Stagna lacus maria fontes iuga summa paludes
Et fluvios silvasque prosis et pascua versu.
6. pro domino Coluccio poeta laureato
Exprimit Herculeos Coluccius iste Labores.Distinguit fatum; pertractat religionem;
Invehit in satrapas; patrie ius fasque tuetur,
Et cinici calamo perimit convicia Lusci.
7. Carmina pro poeta Claudiano
Claudianus adest hic noster origine civisQuem parit Egiptus; peperit Florentia patrem.
Rufini adversos casus, Stiliconis et odas
Cesareasque, tuosque canit, Proserpina, raptus.
8.
Hunc accede locum si vis causator utrimquePuncta videre tue legum si utilia cause.
Namque vetusta novis lex hic agitatur acutis
Iudiciis. veterum variorum mille loquuntur
5Doctorum mentes et acumina mille novorum.
Hic quibus excussis manat sententia veri.
9.
Hoc quicumque tenes populo dans iura tribunalIustitie servator eris, contemptor iniqui.
Cesset amicitia munusque precesque timorque,
Et stet malle mori quam velle reflectere rectum.
10. versus pro Ser Coluccio a casu facti | quod una die duos habuit filios ut dicitur
Quam bene respondet vati sua mentula nostro,Nam sibi lux natos edidit una duos.
11. versus ex quadam sententia tracti etiam a casu
Optimus esse soles. meliorem prospera fecitTe Sors et faciet de meliore bonum.
Inde malus fies: post peior, peximus inde.
Sic Fortuna leves degradat alta viros.
12.
Hunc michi qui scripsi librum Deus inclite parce.Da michi non Herebi per loca tetra ruar.
Sed cum supreme rumpent mea stamina Parce
Da michi posse tuum cernere Christe iubar,
5Et mea mox anima celi requiescat in arce
Ut requiem eternam pace perhenne fruar.
13.
Que narrat ter quinque libris Boccacius audi:Primus habet stirpem Demogorgonis ethere dempto.
Ethera concipiet prolis cum parte secundus.
Celius in terno et generis pars scribitur eius.
5In quarto Titan datur et Titania proles.
Est Iovis in quinto prolex, sed Dardanus extra.
Dardanus et proles sexto sua ponitur omnis.
Oceanum sobolemque suam dat septimus omnem.
Octavum Saturnus habet cum parte suorum.
10Ponitur in nono Iuno et Iunonia proles.
In decimo, Neptunne, tua cum prole notaris.
Iuppiter undecimo generis cum parte notatur.
Bis senus Iovis octo notat cum semine natos.
Tertius a decimo sobolem Iovis explicat omnem.
15In decimo quarto contra hostes invehit auctor.
Quintus ab obiectis decimus defendere curat
Hoc ter quinque libris epigramma Dominicus addit
Quem genuit ripis Florentia fluminis Arni.