1. in Vicecancellarium
Barbarus hunc sequitur Rodoricus Borgia, cuiusCum domino tota est pernitiosa domus.
2. in Neapolitanum Cardinalem
Parthenopaeus adest Carrapha Oliverius. Heus tu!Nil refero: patriam sit didicisse satis.
3. in Cardinalem Sancti Marci
Mercator venetus Barborum gente vetustaDecoxit Marcus. Caetera nosse potes.
4. in Cardinalem Sancti Petri ad Vincula
Pontificis, memini, cepit dum stegmata Xysti,Et cerdo et nauta dom Iulianus erat.
5. in Cardinalem Mediolanensem
Carminibus non est Nardini aptanda duobusFallax vita: capit codicis omne latus.
6. in Cardinalem Montis Realis
Barbarus Ausias simplex, bonus et sua virtus...Sordet, avaritiam dum superare nequit!
7. in Cardinalem Matisconensem
Sordet adhuc variis Philiberti dextra culinis,Hinc tegit untosam coccina lana cutem.
8. in Cardinalem Malfittensem
Omnia cum Phineus lippis miretur ocellis,In pueros tantum Linceus esse solet.
9. in Cardinalem Agriensem
Deposuit pulices, cimices, calopodia, saccum,Haud animi posuit munera prava sui.
10. in Cardinalem Sancti Vitalis
Hic, quia pontifici stravit bene lintea XystoEt pueros saepe supposuit, bonus est.
11. in Cardinalem Mantuanum
Hic, quem lenonum puerorum turba frequentat,Dedecus est gentis atque ruina suae.
12. in Cardinalem Foscarum
Heuganeae si non produxit terra malignum,De te quid dicam, Foscare, non habeo.
13. in Rothomagensem Cardinalem
Aurea cui magnis fulgebant tecta rapinis,Nunc iacet in nudo corpus inane solo;
Cui non una satis meretrix, crapulator, avarus,
Vermibus esca rapax Rothomagensis erit.
5Munera pro meritis coeli haec Moderator iniquis
Tradidit: infernis volvitur umbra focis.
14. in Cardinalem Sancti Georgii
Accepit Sancti paticissimus arma Georgii,Cum Iove qui noctes dormit agitque dies.
