1. ad dominos Perae in heredem ipsorum recens natum
Ne genus antiquum caderet, cum mascula prolesNulla foret, claros quae repararet avos,
Optatus, diis auspicibus, tandem editus heres,
Laete pater, genetrix nunc tibi laeta fovet.
5Hinc formosa capit sua nunc vix gaudia Pera,
Hinc probus ille senex en iuvenescit avus.
Finitimi gaudent, vicinia tota triumphat,
Cresce tuis fato candidiore puer.
2. idem
Iam prope conciderat generosi sanguinis heres,Iura tuis populis qui modo Pera daret,
Tota senex dominus vix fecit, masculus infans
Ecce oritur: priscos qui bene reddat avos.
5Tota pios superos numquam non sueta movere,
Cum pia, cum pius est, qui bona nota facit.
3. idem
Iuste senex, mihi iure bono culte atque colende,Cuius ab imperio Pera beata viget,
Esse tibi natos natorum et pignora laetor,
Ne penitus pereat tam generosa domus.
5Progenies longo proavorum stemmate ducta,
Cara hominum generi, cara deum generi,
Vive diu luce immortali et nomine digna
Et prisci generis splendida facta refer.
4. idem
Pera brevi dominis mole iam caritura vetustisFudit ad aeternos vota precesque deos.
Audivere dei nec iusta optata morantur:
En renovat proavos candidus ore puer.
5. idem
Est diis, est curae suboles praeclara virorum,Hinc reparata diu saecula longa viret.
Casta diis grates age Pera, renascitur ordo
Ecce tui generis nobilis ille vetus.
6. idem
Conciderat generosa domus, Deus optimus altoHoc vetuit caelo: en iam renovata nitet.
Pera renata Deo dignas age candida grates,
Pera Dei cultrix, crede, perennis eris.
7. idem
Antoni, patrios potis es reparare penates,Sine libet domibus, sine libet subole.
Instaurata diu niteat domus ista patrisque
Ipse tui similis prole fruare tua.
5Haec te longaevum veneretur adulta parentem
Et renovet generis facta canenda sui.
Ista vetus probitas et avitus splendor in omne
Venturae spatium posteritatis eat,
Sic cecinere deae fatalia pensa trahentes
10Et nitidus puro splenduit igne polus.
