previous next

Click on a word to bring up parses, dictionary entries, and frequency statistics

λογοποιίας Η᾽

δὲ λογοποιία ἐστὶ σύνθεσις ψευδῶν λόγων καὶ πράξεων, ὧν πιστεύεσθαι βούλεται λογοποιῶν, δὲ [2] λογοποιὸς τοιοῦτός τις, οἷος ἀπαντήσας τῷ φίλῳ εὐθὺς καταβαλὼν τὸ ἦθος καὶ μειδιάσας ἐρωτῆσαι: 'πόθεν σύ᾽; καὶ 'λέγεις τί καὶ πῶσ᾽; 'ἔχεις περὶ τοῦδε εἰπεῖν καινόν᾽; καὶ ὡς ἐπιβαλὼν ἐρωτᾶν: 'μὴ λέγεταί τι καινότερον; καὶ [3] μὴν ἀγαθά γέ ἐστι τὰ λεγόμενα.' καὶ οὐκ ἐάσας ἀποκρίνασθαι εἰπεῖν: 'τί λέγεις; οὐθὲν ἀκήκοας; δοκῶ μοί σε [4] εὐωχήσειν καινῶν λόγων.' καὶ ἔστιν αὐτῷ στρατιώτης παῖς Ἀστείου τοῦ αὐλητοῦ Λύκων ἐργολάβος παραγεγονὼς [5] ἐξ αὐτῆς τῆς μάχης, οὗ φησιν ἀκηκοέναι. αἱ μὲν οὖν ἀναφοραὶ τῶν λόγων τοιαῦταί εἰσιν αὐτοῦ, ὧν οὐθεὶς [6] ἂν ἔχοι ἐπιλαβέσθαι. διηγεῖται δὲ τούτους φάσκων λέγειν, ὡς Πολυπέρχων καὶ βασιλεὺς μάχῃ νενίκηκεν, καὶ [7] Κάσανδρος ἐζώγρηται: καὶ ἂν εἴπῃ τις αὐτῷ: 'σὺ δὲ ταῦτα πιστεύεις; φήσει: τὸ πρᾶγμα βοᾶσθαι γὰρ ἐν τῇ πόλει, καὶ τὸν λόγον ἐπεντείνειν, και πάντας συμφωνεῖν: ταὐτὰ γὰρ λέγειν περὶ τῆς μάχης: καὶ πολὺν τὸν ζωμὸν γεγονέναι. [8] εἶναι δ᾽ ἑαυτῷ καὶ σημεῖον τὰ πρόσωπα τῶν ἐν τοῖς πράγμασιν: ὁρᾶν γὰρ αὐτῶν πάντων μεταβεβληκότα: λέγει δ᾽, ὡς καὶ παρακήκοε παρὰ τούτοις κρυπτόμενόν τινα ἐν οἰκίᾳ, ἤδη πέμπτην ἡμέραν ἥκοντα ἐκ Μακεδονίας, ὃς [9] πάντα ταῦτα οἶδε. καὶ πάντα διεξιών πως οἴεσθαι πιθανῶς σχετλιάζειν λέγων: 'δυστυχὴς Κάσανδρος: ταλαίπωρος: [10] ἐνθυμῇ τὸ τῆς τύχης; ἀλλ᾽ οὖν ἰσχυρὸς γενόμενος,' καί 'δεῖ δ᾽ αὐτόν σε μόνον εἰδέναι᾽: πᾶσι δὲ τοῖς ἐν τῇ πόλει προσδεδράμηκε λέγων.

[11] τῶν τοιούτων ἀνθρώπων τεθαύμακα, τί ποτε βούλονται λογοποιοῦντες: οὐ γὰρ μόνον ψεύδονται, ἀλλὰ καὶ ἀλυσιτελῶς [12] ἀπαλλάττουσι: πολλάκις γὰρ αὐτῶν οἱ μὲν ἐν τοῖς βαλανείοις περιστάσεις ποιούμενοι τὰ ἱμάτια ἀποβεβλήκασιν, οἱ δ᾽ ἐν τῇ στοᾷ πεζομαχίᾳ καὶ ναυμαχίᾳ νικῶντες ἐρήμους [13] δίκας ὠφλήκασιν: εἰσὶ δ᾽ οἳ καὶ πόλεις τῷ λόγῳ κατὰ [14] κράτος αἱροῦντες παρεδειπνήθησαν. πάνυ δὴ ταλαίπωρον αὐτῶν ἐστι τὸ ἐπιτήδευμα: ποίᾳ γὰρ οὐ στοᾷ, ποίῳ δὲ ἐργαστηρίῳ, ποίῳ δὲ μέρει τῆς ἀγορᾶς οὐκ ἐνημερεύουσιν [15] ἀπαυδᾶν ποιοῦντες τοὺς ἀκούοντας: οὕτως καὶ καταπονοῦσι ταῖς ψευδολογίαις.

Creative Commons License
This work is licensed under a Creative Commons Attribution-ShareAlike 3.0 United States License.

An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.

hide References (1 total)
  • Cross-references to this page (1):
    • A Dictionary of Greek and Roman Antiquities (1890), BA´LNEAE
load Vocabulary Tool
hide Display Preferences
Greek Display:
Arabic Display:
View by Default:
Browse Bar: