Hide browse bar
Your current position in the text is marked in blue. Click anywhere in the
line to jump to another position:
Search the Perseus Catalog for:
Table of Contents:
Click on a word to bring up parses, dictionary entries, and frequency statistics
τῶν ἀπ᾽ Ἰλίου περὶ τὴν ἅλωσιν ἐκφυγόντων οἱ πλεῖστοι χειμῶνι χρησάμενοι,
καὶ δι᾽ ἀπειρίαν τοῦ πλοῦ καὶ ἄγνοιαν τῆς θαλάττης ἀπενεχθέντες εἰς τὴν
Ἰταλίαν καὶ περὶ τὸν Θύμβριν ποταμὸν ὅρμοις καὶ ναυλόχοις ἀναγκαίοις μόλις ὑποδραμόντες,
αὐτοὶ μὲν ἐπλανῶντο περὶ τὴν χώραν φραστήρων
δεόμενοι,
ταῖς δὲ γυναιξὶν ἐμπίπτει λογισμός,
ὡς ἡτισοῦν ἵδρυσις ἐν γῇ πάσης1 πλάνης καὶ ναυτιλίας
εὖ τε καὶ καλῶς πράττουσιν ἀνθρώποις ἀμείνων ἐστί,
καὶ πατρίδα δεῖ2 ποιεῖν αὐτούς,
ἀπολαβεῖν
ἣν ἀπολωλέκασι μὴ δυναμένους.
ἐκ δὲ τούτου
συμφρονήσασαι κατέφλεξαν τὰ πλοῖα,
μιᾶς
καταρξαμένης ὥς φασι Ῥώμης.
πράξασαι δὲ ταῦτα τοῖς ἀνδράσιν ἀπήντων βοηθοῦσι πρὸς τὴν
θάλατταν,
καὶ φοβούμεναι τὴν ὀργὴν αἱ μὲν ἀνδρῶν
αἱ δ᾽ οἰκείων ἀντιλαμβανόμεναι καὶ καταφιλοῦσαι λιπαρῶς,
ἐξεπράυναν τῷ τρόπῳ τῆς φιλοφροσύνης.
διὸ καὶ γέγονε καὶ παραμένει ταῖς Ῥωμαίων γυναιξὶν ἔτι νῦν ἔθος ἀσπάζεσθαι μετὰ τοῦ καταφιλεῖν τοὺς κατὰ γένος προσήκοντας αὐταῖς.
συνιδόντες γὰρ ὡς ἔοικε τὴν ἀνάγκην οἱ Τρῶες καὶ ἅμα πειρώμενοι τῶν ἐγχωρίων,
εὐμενῶς καὶ
φιλανθρώπως προσδεχομένων,
ἠγάπησαν τὸ πραχθὲν ὑπὸ τῶν γυναικῶν καὶ συγκατῴκησαν αὐτόθι τοῖς Λατίνοις.
[p. 482]
