Click on a word to bring up parses, dictionary entries, and frequency statistics
35.
Boudicca curru filias prae se vehens, ut quamque
nationem accesserat, solitum quidem Britannis feminarum
ductu bellare testabatur, sed tunc non ut tantis maioribus
ortam regnum et opes, verum ut unam e vulgo libertatem
amissam, confectum verberibus corpus, contrectatam filiarum pudicitiam ulcisci. eo provectas Romanorum cupidines ut non corpora, ne senectam quidem aut virginitatem
impollutam relinquant. adesse tamen deos iustae vindictae:
cecidisse legionem quae proelium ausa sit; ceteros castris
occultari aut fugam circumspicere. ne strepitum quidem et
clamorem tot milium, nedum impetus et manus perlaturos:
si copias armatorum, si causas belli secum expenderent, vincendum illa acie vel cadendum esse. id mulieri destinatum:
viverent viri et servirent.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.