Click on a word to bring up parses, dictionary entries, and frequency statistics
7.
Mortem Poppaeae ut palam tristem, ita recordantibus
laetam ob impudicitiam eius saevitiamque, nova insuper
invidia Nero complevit prohibendo C. Cassium officio exequiarum, quod primum indicium mali. neque in longum
dilatum est, sed Silanus additur, nullo crimine nisi quod
Cassius opibus vetustis et gravitate morum, Silanus claritudine generis et modesta iuventa praecellebant. igitur
missa ad senatum oratione removendos a re publica utrosque disseruit, obiectavitque Cassio quod inter imagines
maiorum etiam C. Cassi effigiem coluisset, ita inscriptam
'duci partium': quippe semina belli civilis et defectionem
a domo Caesarum quaesitam; ac ne memoria tantum infensi nominis ad discordias uteretur, adsumpsisse L. Silanum,
iuvenem genere nobilem, animo praeruptum, quem novis
rebus ostentaret.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.