Click on a word to bring up parses, dictionary entries, and frequency statistics
“
[4]
A Balbo autem animadvertisti credo quam
multa dicta sint quamque etiam si minus vera tamen
apta inter se et cohaerentia. itaque cogito ut dixi non
tam refellere eius orationem quam ea quae minus intellexi requirere. quare Balbe tibi permitto, responderene mihi malis de singulis rebus quaerenti ex te
ea quae parum accepi an universam audire orationem
meam.”
[p. 119]
Tum Balbus: “Ego vero, si quid explanari tibi voles, respondere malo, sin me interrogare non tam intellegendi causa quam refellendi, utrum voles faciam,
vel ad singula quae requires statim respondebo vel
cum peroraris ad omnia.”
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.