Click on a word to bring up parses, dictionary entries, and frequency statistics
39. at hercule aciem quidem
inconditam inordinatamque habuissemus, sed1 castra munita, provisam aquationem, tutum ad eam iter
praesidiis impositis, explorata circa omnia; an nihil
nostri2 habentes praeter nudum campum, in quo
[2?]
pugnaremus ...3 Maiores vestri castra munita portum ad omnis casus exercitus ducebant esse, unde ad pugnam exirent, quo iactati tempestate pugnae
receptum haberent.
[3]
ideo, cum munimentis ea
saepsissent,4 praesidio quoque valido firmabant, quod, qui castris exutus erat, etiamsi pugnando acie vicisset, pro victo haberetur. castra sunt victori receptaculum, victo perfugium.
[4]
quam multi exercitus, quibus minus prospera pugnae fortuna fuit, intra vallum compulsi tempore suo, interdum momento
post, eruptione facta victorem hostem pepulerunt?
[p. 222]
[5]
patria altera militaris est haec5 sedes, vallumque pro6 moenibus et tentorium suum cuique militi domus ac penates sunt. sine ulla sede vagi dimicassemus, ut quo victi, quo7 victores nos reciperemus?
[6]
his difficultatibus et impedimentis pugnae illud
opponitur: quid, si hostis hac interposita nocte
abisset, quantum rursus sequendo eo penitus in ultimam Macedoniam exhauriendum laboris erat?
[7]
ego
autem neque mansurum eum neque in aciem copias
educturum fuisse certum habeo, si cedere hinc statuisset. quanto enim facilius abire fuit cum procul abessemus, quam nunc cum in cervicibus sumus, nec fallere
nos interdiu aut nocte abeundo potest?
[8]
quid autem
est8 nobis optatius quam ut, quorum castra praealta
fluminis ripa tuta, vallo insuper saepta ac9 crebris turribus oppugnare adorti sumus, eos relictis munimentis, agmine effuso abeuntis in patentibus campis ab tergo adoriamur?
hae dilatae pugnae ex hesterno die in hodiernum
causae fuerunt.
[9]
pugnare enim et ipsi mihi placet;
et ideo, quia per Elpeum amnem saepta ad hostem
via erat, alio saltu deiectis hostium praesidiis
novum iter aperui, neque prius, quam debellavero,
absistam."
1 sed add. Madvig: om. V.
2 nostri cobet: vestri V.
3 lacunam suspiciunt edd.; Giarratano: “supple: sine ullo consilio cum hoste dimicassemus? vel aliquid simile.”
4 ea saepsissent J. F. Gronovius: eas saepissent V.
5 Patria altera militaris est haec Wesenberg: patriam alteram est militari est haec V.
6 A.U.C. 586
7 victi, quo add. H. J. Müller: om. V.
8 nos interdiu aut nocte abeundo potest? quid autem est Madvig: nos nec interdiu aut nocte abeundtem est V.
9 ac add. Fr.: om. V.
Livy. Books XLIII-XLV With An English Translation. Cambridge. Cambridge, Mass., Harvard University Press; London, William Heinemann, Ltd. 1951: published without copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.