Hide browse bar
Your current position in the text is marked in blue. Click anywhere in the
line to jump to another position:
Table of Contents:
Click on a word to bring up parses, dictionary entries, and frequency statistics
7.
ἢν δὲ τουτέων μὲν τῶν ὁδῶν ἀποκλεισθῇ,
ἐς δὲ τὰς φλέβας,
ἃς προείρηκα,
τὸν κατάῤΡ῾οον ποιήσηται,
ἄφωνός τὲ γίνεται καὶ
πνίγεται,
καὶ ἀφρὸς ἐκ τοῦ στόματος ἐκρέει,
καὶ οἱ ὁδόντες συνηρείκασι,
καὶ αἱ χεῖρες συσπῶνται,
καὶ τὰ ὄμματα διαστρέφονται,
καὶ
οὐδὲν φρονέουσιν,
ἐνίοισι δὲ καὶ ὑποχωρέει ἡ κόπρος κάτω:
καὶ
ταῦτα γίνεται ὁτὲ μὲν ἐς τὰ ἀριστερὰ,
ὁτὲ δὲ ἐς τὰ δεξιὰ,
ὁτὲ δὲ ἐς
ἀμφότερα.
ὅκως δὲ τούτων ἕκαστον πάσχει ἐγὼ φράσω:
ἄφωνος μέν
ἐστιν ὁκόταν ἐξαίφνης τὸ φλέγμα ἐπικατελθὸν ἐς τὰς φλέβας ἀποκλείσῃ τὸν ἠέρα καὶ μὴ παραδέχηται μήτε ἐς τὸν ἐγκέφαλον μήτε ἐς
τὰς φλέβας τὰς κοίλας μήτε ἐς τὰς κοιλίας,
ἀλλ᾽ ἐπιλάβῃ τὴν ἀναπνοήν:
ὅταν γὰρ λάβῃ ἄνθρωπος κατὰ τὸ στόμα καὶ τοὺς μυκτῆρας
τὸ πνεῦμα,
πρῶτον μὲν ἐς τὸν ἐγκέφαλον ἔρχεται,
ἔπειτα δὲ ἐς τὴν
κοιλίην τὸ πλεῖστον μέρος,
τὸ δὲ ἐπὶ τὸν πλεύμονα,
τὸ δὲ ἐπὶ τὰς
φλέβας.
ἐκ τουτέων δὲ σκίδναται ἐς τὰ λοιπὰ μέρεα κατὰ τὰς φλέβας:
καὶ ὅσον μὲν ἐς τὴν κοιλίην ἔρχεται,
τοῦτο μὲν τὴν κοιλίην
διαψύχει,
καὶ ἄλλο τι οὐδὲν ξυμβάλλεται:
ὁ δ᾽ ἐς τὸν πλεύμονά τε
καὶ τὰς φλέβας ἀὴρ ξυμβάλλεται ἐς τὰς κοιλίας ἐσιὼν καὶ ἐς τὸν ἐγκέφαλον,
καὶ οὕτω τὴν φρόνησιν καὶ τὴν κίνησιν τοῖσι μέλεσι παρέχει,
ὥστε,
ἐπειδὰν ἀποκλεισθῶσιν αἱ φλέβες τοῦ ἠέρος ὑπὸ τοῦ φλέγματος
καὶ μὴ παραδέχωνται,
ἄφωνον καθιστᾶσι καὶ ἄφρονα τὸν ἄνθρωπον.
αἱ δὲ χεῖρες ἀκρατέες γίνονται καὶ σπῶνται,
τοῦ αἵματος ἄτρεμίσαντος καὶ μὴ διαχεομένου ὥσπερ εἰώθει.
καὶ οἱ ὀφθαλμοὶ διαστρέφονται,
τῶν φλεβίων ἀποκλειομένων τοῦ ἠέρος καὶ σφυζόντων.
ἀφρὸς
δὲ ἐκ τοῦ στόματος προέρχεται ἐκ τοῦ πλεύμονος:
ὅταν γὰρ τὸ
πνεῦμα μὴ ἐσίῃ ἐς αὐτὸν,
ἀφρέει καὶ ἀναβλύει ὥσπερ ἀποθνήσκων.
ἡ δὲ κόπρος ὑπέρχεται ὑπὸ βίης πνιγομένου:
πνίγεται δὲ τοῦ ἥπατος καὶ τῆς κοιλίης ἄνω πρὸς τὰς φρένας προσπεπτωκότων καὶ τοῦ
στομάχου τῆς γαστρὸς ἀπειλημμένου:
προσπίπτει δὲ ὁκόταν τὸ
πνεῦμα μὴ ἐσίῃ ἐσίῃ ἐς τὸ στόμα ὅσον εἰώθει.
λακτίζει δὲ τοῖσι ποσὶν,
ὁκόταν ὁ ἀὴρ ἀποκλεισθῇ ἐν τοῖσι μέλεσι καὶ μὴ οἷός τε ἔῃ διεκδῦναι ἔξω ὑπὸ τοῦ φλέγματος:
ἀΐσσων δὲ διὰ τοῦ αἵματος ἄνω καὶ
κάτω σπασμὸν ἐμποιέει καὶ ὀδύνην,
διὸ λακτίζει.
ταῦτα δὲ πάσχει
πάντα,
ὁκόταν τὸ φλέγμα ψυχρὸν παραῤΡ῾υῇ ἐς τὸ αἷμα θερμὸν ἐόν:
ἀποψύχει γὰρ καὶ ἵστησι τὸ αἷμα:
κἢν μὲν τὸ Ρ῾εῦμα πουλὺ ἔῃ καὶ
παχὺ,
αὐτίκα ἀποκτείνει:
κρατέει γὰρ τοῦ αἵματος τῷ ψύχει καὶ
πήγνυσιν:
ἢν δὲ ἔλασσον ἔῃ,
πὸ μὲν παραυτίκα κρατέει ἀποφράξαν
τὴν ἀναπνοήν:
ἔπειτα τῷ χρόνῳ ὁκόταν σκεδασθῇ κατὰ τὰς φλέβας
καὶ μιγῇ τῷ αἵματι πολλῷ ἐόντι καὶ θερμῷ,
ἢν κρατηθῇ οὕτως,
ἐδέξαντο τὸν ἠέρα αἱ φλέβες,
καὶ ἐφρόνησαν.
