[4]
quam ob rem adeste animis, iudices,
et timorem, si quem habetis, deponite. nam si umquam1 de
bonis et fortibus viris, si umquam de bene meritis civibus
potestas vobis2 iudicandi fuit, si denique umquam locus
amplissimorum ordinum delectis viris datus est ut sua
studia erga fortis et bonos civis3, quae voltu et verbis saepe
significassent, re et sententiis declararent, hoc profecto tempore
eam potestatem omnem vos habetis ut statuatis utrum
nos qui semper vestrae auctoritati dediti fuimus semper
miseri lugeamus an diu vexati a perditissimis civibus aliquando
per vos ac per vestram fidem, virtutem sapientiamque
recreemur.
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.